اجيو نتارسو مشاكل وليداتنا وبنياتنا المراهقين ونفيدو بعضنا....

[color=blue][حبيباتي ..اليوم بغيت نقتارح عليكوم نفتحو قلوبنا لبعض ..ونتدارسو مشاكل وليداتنا المراهقين ..وكيفاش خاصنا نتعاملو مهاهوم باش نوصلهوم لير الامان ..دون ما ينجرفو لا قدر الله وراء تيار المخدرات...
يا الله الي عندها شي اقتراح تفيدنا بيه حتى تعم الفائدة المرجوة بادن الله تعالى.../color]

هلا بام الشهيد مروان ...موضوع مفيد جدا واكثد غدي نستافدو منو جميع .....

انان يمكن باقي اولادي صغار ... ادن قبل دالك نتعرفو على بعضنا البعض اولا..وعلى اعمال ورليدتنا ..باش نعرفو على اي فئة تنهدرو ؟؟؟او اشنو رايك؟؟؟

طبعا لا اقصد بصغار انو المضووع لا يهمني ولكن انو كل عمر والمشاكل ديالو ... والاهتمامات ديالو ...

سلام عليكن

اوا غير بداو معايا عافاكم

عندي بنت فعمرها 18 سنة ولات بتغة دير الماكياج و تخرج بيه

اوا كي ندير معاها؟؟؟


و عندي الصغيرة 7 سنوات كتموت بالغيرة من اختها

انا هادشي لي ما لقيت ليه حل مع بناتي

و بغيتكم تفيدوني الله يجازيكم الجنة

بالنسبة للابنة الكبيرة ما تعانديهاش

كل ما عندتيها غادي تزيد محبة فالمكياج

يمكن تحاولي الحوار معاها

ويمكن تمشي معاها تشريوا بعض الاشياء و منها ترشديها للالوان الخفيفة ديال الماكياج

راكي ماش تمنعيها من هاد الجيهة و منين تخرج تعمل لي بغات

او تبق تاخد الماكياج ديال صحاباتها و لا قدر الله تاخد شي مرض

لان كل واحد و الجسم ديالوا كيف عامل

صاحبي ابنتك و لا تعانديها راه العناد ما فيه خير

ربما منين تشوف راصها نتاصرات عليك غادي تحشم او ما يبقاش يعجبها الماكياج

اما بالنسبة لابنة الصغيرة

الله يصوب

راها ماش طبق لي شافتو كديرو اختها

لهذا كوني صاحبتها اكثر من امها

و الله يسخر ليك فضنايتك و يهديهوم مولاي الكريم و يبعد الشوك من طريقهوم

لا تنسي نصيحتي

كوني صديقة لبناتك اكثر من ام لهما

و الله ولي التوفيق

بالتوفيق ان شاء الله

الله يحسن عوانك الحبيبة ديالي فعلا الموضوع بغا شوية الخاطر وعلى العموم اي موضوع كيبغي شوية الخاطر بل بزاف الخاطر

فعلا كما قالت لك جراح غير بالمصاحبة وانكي تشجعيها تعمل الماكياج غير في الدار... لوكن انو الموضوع ممنوع خارج ايطار البيت ..

هانت خليها كاع مرة مرة تجلسو شي عشية وتخلي ليها وجهك ترون ليك فيه شي شوية ههههههه
ربما دابا عندها هاد الميولات واناها راه ممكن تعطي في هاد المجال ... يعني خليها تشبع من الماكياج ولكن بهاد الطريقة اللي قلت ليك يعني في الدار وفي وجهك :twisted: ههههه وتا اختها بالحق في الدار كوني حاسمة في نقطة انو المكياج غير في الدار مش اشكال ...
ومرة مرة ديرو كرنفال

شي نهار نكون مسالية ودايزة من تما نجي تا انان نعطيكم وجهي ههههههياك واخا ؟؟؟

ههههههههههه
اوكي على فكرة كلمة السر ...كتكوت ...

اواو ربي يحفظ ليك بناتك يارب وييسر امورك لما يحب ويرضى ....

على فكرة كانت من هواياتي نعمل الماكياج سوا ليا او لاي حد يجي عندي ما خليت شي حد من عائلاتي ولا من صحاباتي ما صبغتو ههههه

اما الان .. الا درت الكحل .... ما تقوليها لحد ؟؟؟؟؟

تبارك الله عليك اميناس

هنا نحفظ الكلمة و نبقا عاقلة عليها

انا ماعمري كنت كنبغي المكياج سواء ملي كنت صغيرة او حتى ملي كبرت

ههه

واحد الايام كنت كنبيع المكياج باش نزيد شوية في الدخل و كنت مضطرة نبقا نجربو في راسي ههه

ولكن بصراحة انا حتى الكحل كنعكز عليه

مكنعرفش نصايبو مزيان يعني فين ما تشوفيني تلقاي فيا شي شخبيطة ههه

اوا هاد الجيل مشي بحالنا

الله يسلك الامور على خير
[b]

صبوورة كتب:

المشكلة الاخرى لي عندي مع بناتي هي الغيرة الشديدة بيناتهم

راه كاين واحد الفارق كبير في السن 11 سنة

ولكن كل وحدة تغير من الاخرى موت

راني غير الا قلت كلمة زوينة لوحدة تقلق الاخرى اما البوسان راني قسمت ليهم حناكي كل وحدة بديالها و ممنوع تقرب ليه الاخرى

اوا الا مشيت حتى شريت لوحدة ضروري نشري الاخرى ولا تعمل ليا انقلاب هههه

المهم راني ديما معاهم في شد ليا نقطع ليك
تصورو واحد المرة الكبيرة قالت باغا سكوتر
الصغيرة قالت لي حتى انا بغيتو ههه

شوية و هي تقول لي غير شريوه ليها على الله دير بيه كسيدة و تموت و نتهنا منها

هادي غير وحدة من بزاااااااااااااااف

الله يعاونك

انا فاول حياتي مع ولادي كنت قاصحة بزاف

و كانت هناك خطوط حمراء لا يجب تجاوزها مهما كانت الظروف

اولها الالفاظ البديئة او الجارحة بين الاخوة

او الضرب او الشتم بينهم

كنا كل نهاية الاسبوع نجلس على طاولة و نشرب عصير او شاي ثم نناقش امورنا

و لكل واحد منا ان يتحدث بما في قلبه او ما ذا يريد او ماذا ضايقه

ثم نوجه الاسئلة لبعضنا

لم نتيجة الامتحانات ضعيفة؟

لم لا تكلم اخاك؟

ماذا دهاك؟

و في الاخير اذكر بالخطوط الحمراء

ثم بعدها يقوم كل واحد الى عملة و هكذا

هذه الجلسة الاسبوعية كنا نسعد بها و نفرغ ما بقلبنا و نبدا اسبوعا جديدا خالي من الضغينة

اما شراء الحاجيات فكانت كالتالي

المسائل الدراسية و ممارسة الرياضة لا حد لها

اطلب ما تريد

اما الاشياء الخارجة عن نطاق الضروريات فيجب ان يقدم الطلب و بالجلسة الاسبوعية يناقش هذا الطلب

بعدها نقرر ان كان من الكمليات او من الضروريات و لكل واحد منهم ينفذ له طلب

و طبعا هذه المطالب لن تحدث كل اسبوع بل مرة او مرتين بالسنة

و هكذا عشت بامان مع اربعة ابناء ماشاء الله