هدو يلاه وصلووني باقين جداد
*المعلم طلب من التلاميد يكتبو إنشاء كل واحد يتخيل راسو مدير شركة.
كلشي بدا كيكتب إلا واحد، ربّع يديه وبدا كيتعنكر
جا عندو المعلم وسولو: علاش مكتكتبش؟
جاوبو التلميذ: كنتسنى السكرتيرة ديالي باش نملي عليها وهي تكتب
*واحد الموظف بغى يعيط للعساس يجيب ليه أتاي
وهو يغلط ف النمرة وصدق معيط على المدير ديالو
قال ليه: جيب ليا واحد أتاي للمكتب ديالي وطلق راسك أ الحمار
قال ليه المدير: واش عرفتي مع من كتهدر؟
قال ليه الموضف: لا
قال ليه المدير: أنا هو المدير أ الحيوان
قال ليه الموضف: ونتا عرفتي مع من كتهدر؟
قال ليه المدير: لا
قال ليه الموضف: إيوا الحمد لله
وهو يقطع
*هادا واحد جات عندو نســـيـبتو. قال ليها: شحال غتبقاي معانا؟
قالت ليه: حتى تملو مني
قال ليها: وبقاي غير حتى تشربي أتاي بعدا
*واهد الراجل مخاصم مع مرتو. عيط ليها من الخدمة وقال ليها: أشنو دايرة للعشا؟
المرا كاعية، قالت ليه: السم
قال ليها: مزيان، إيوا غير تعشاي ونعسي راني غادي نتعطل اليوم ف الخدمة
*واحد البنت واقفة بطموبيلتها فالفوروج.
شعل الاخضر ما مشاتش. شعل الاصفر ما مشاتش. شعل الاحمر ما مشاتش.
وهو يجي عندها البوليسي و قال ليها: سمحي لينا أختي، راه غير هاد اللوينات اللي عندنا
*واحد المعلم ديال الابتدائي قال للتلاميد دياولو: أنتم رجال المستقبل، أنتم مصابيح الغد
وهو يوقف واحد التلميد وشير لصاحبو اللي ناعس على الطاولة حداه: أستاد أستاد، ها واحد البولة تسوطات
*هادا واحد الدري جرى عليه الأستاد ديال لانفورماتيك
مللي مشى عند الحارس العام، قال ليه: مالك أولدي؟
قال ليه التلميد: جرى عليا مول السيبير
هادا واحد مكلخ مشى يخطب
جات البنت حطات ليه كاس ديال أتاي ليبتون
Lipton
قال ليها: من دابا بدينا ف الحجابات؟
*واحد الشفار بغى يتوب وهو يسرق جوج سيديات ديال القرآن
*واحد الطلاب مشى عند واحد مول فران مسموم قال ليه: خويا، سيمانة هادي ما دقت الخبز
قال ليه مول الفران المسموم: راه مداقو هو هو، ما تبدلش
*الفروج قال للدجاجة: أشنو فايدة اللي كيبيض البيض للناس باش ياكلوه؟
قالت ليه الدجاجة: إيوا بعدا حسن من اللي كيودن وما كيصليش
*واحد المعلم عزيزعليه يسلخ الدراري. شد واحد الولد وسولو: باش تغديتي اليوم؟
جاوبو: بالمرقة. هز المعلم العصا وبدا يضرب فيه: ها البطاطا، ها خيزو، ها اللفت، ها اللحم، ها البصلة... حتى شبعو عصا
داز على التلاميد كلهم حتى وصل عند واحد العايق سولو: باش تغديتي؟
هو يقول ليه: بمسكة
وقف المعلم شوية يفكر، وهز العصا حتى السما هو يعطيه: ها الكاغيط الفوقاني، ها الكاغيط التحتاني، ها نضغ نضغ نضغ نضغ
*هادا واحد التزم وولى كيحشم وبغى يتجوج
قالت ليه أمه: كيفاش بغيتي مرتك تكون أولدي؟
قال ليها: بغيتها والعياذ بالله والعياذ بالله والعياذ بالله تكون بحال نانسي عجرم
