عجين مورق بطريقة ساهلة ماهلة

صباح النور عليكم اخواتى

اليوم جيبت ليكم طريقة زوينة اللى مكايخرجلهاشي العجين المورق

وساهلة ومبدلة على الطريقة التقليدية المعروفة

انا خديتها من واحد المنتدى اجنبى ومنتدى عربى هههههه

المهم ندوزو المقادير انا كتجربة اولى عملت غير 250جرام زبدة +250جرام دقيق

كاس الا ربع ماء هو كاين 75جرام ماء يعنى كاس الا ربع

العبار بكاس العنبة

شوية ملح الى كنت غادى تشكلها المعجنات حلوة كتقلل كمية الملح وتزيد السكر على حسب اللى بغيتى

الزبدة انا قطعتها مربعات وخليتها في الثلاجة ليلة نخليكم مع الصور

[ندعوك للتسجيل في المنتدى أو التعريف بنفسك لمعاينة هذه الصورة]

من بعد ماعجنتها مخليتهاش تدلك غير تخلطت

كورتها وعملتها في بلاستيك غدائ وخليتها في الثلاجة لمدة 3ساعات



[ندعوك للتسجيل في المنتدى أو التعريف بنفسك لمعاينة هذه الصورة]

حيت مخصهاش تدلك باش يبقى فيها طريفات الزبدة

من بعد جبتها وورقتها

[ندعوك للتسجيل في المنتدى أو التعريف بنفسك لمعاينة هذه الصورة]



ووليت طويتها ورديتها للثلاجة لمدة 2ساعات

عاود تانى جبتها وورقتها للمرة التانية وخليتها جوج ساعات تانية انا عملتها وخليتها تبات حت للغد عاد شكلتها

باش تخرج زوينة ومورقة كتبقى تطلقها بالمطلاق غير في اتجاه واحد يعنى متمشيش وترجع بالمطلاق

[ندعوك للتسجيل في المنتدى أو التعريف بنفسك لمعاينة هذه الصورة]

هاهى كيف جات مورقة ومقرمشة

والتشكيل كايبقى على حسب المعرفة والدوق ديال كل واحد

[ندعوك للتسجيل في المنتدى أو التعريف بنفسك لمعاينة هذه الصورة]

نتمنى تعجبكم وتجربوها

في امان الله

تبرك الله عليك إن شاء الله نجربها حيت أنا ديك جبد ارد ههههه إلي كيفقسني هههههه انيت هنا كيديرو فيها شراب هههههه

أجي كتبتي الزبدة خلتها في تلاجة ليلة كاملة ههههههه امكن في لكوزينة أو لا

الله يعطيك الصحة جاتك غزالة تسلم الايادي

سيهام فاين غوايبك لاباس عليك عبد الرحمان وجويرية اش خبارهوم

فاضمة قلت الزبدة تبات في الثلاجة يعنى باش تكون باردة بزاف الثلاجة ماشي برة

ربى يخليك سيهام

ورزازية راه غير العجز ملى تكون غادى تعملها عول على انك تشكلها حتى للغد حيت من نهارها كتعى ىوانتى معجازة بلا والو ههههههههههههه

إن شاء الله


أهلين سهام كديرة لبس عليك اكديرة جويرية أسي عبدو

يسقسي عليك الخير كلشي الحمد الله
انا نحاول نجربها ان شاء الله لاني غير كنشريها من اسواق السلام كنخاف متصدقليش عمري ما زعمت عليها

فاضمة لاباس الحمد الله عقبال ما نشوفو وليداتك ان شاء الله باش كاع داك العجز والنعاس تقولهم باي باي ههههههههههههه فاين مجمعين وليتو ولا ما بقا عندكم مقر ههههههههههههه

حتى انا كنشريها من تماك اولا مرجان بلحاق مبقيتش كنتيق فيها حيت كتجينى فيها بحال ريحة الحماض

ههههههههههههههه

إن شاء الله إيه مجمعين في msn دخلي ياك متسد عليك الباب ههههههه

واقيلا فاضمة هههههههههههههههههههههههههههههههه

سهام أنا معنديش msn ديلك كريمة عطيها ديالي صافي وش معندكش فسبوك هههههه

كريمة راح خليت لك رسالة في msn هههههه هاني إمشيت نصلي ضهر أنتغدا

ههههههههههههههههههههههههه واخا عليكم الشويطينات صافي راني فهمت ماشي مشكل ههههههههههههههه

كريمة انا د مرجان ما كتعجبنيشي ولكن اسواق السلام كناخدها ملي كتكون طرية وفعلا ادا ما استعملتيهاش دغيا كتحماض
يالله نخليكم ف امان الله

تبارك الله عليك أختي كريمة هاد الطريقة ساهلة وجاتك زوينة الله يعطيك الصحة

تبارك الله عليك كريمة جاتك العجين غزالة وحتى المعجنات لي شكلتي بيها فنين الله يعطيك الصحة

تستاهلي أحسن تقييم ألزين

كريمة تبارك الله عليك الله يعطيك الصحة

تبارك الله عليك
تم التقيم ياحلو

تبارك الله عليك اختي كريمة عجباتني لكن الجهد اللي مكاينش هههههههه
واش عملتي المركرين او الزبدة العادية لاني ضربت على شي حاجة اسمها مركرين فالدار
فانتضار ردك ماشاء الله عليك مرة اخرى

[ندعوك للتسجيل في المنتدى أو التعريف بنفسك لمعاينة هذه الصورة]

تبارك الله عليك ان شاء الله نجرب طرقتك

بانتلي ساهلة واش لازم العبار اكون مضبوط

ولا غير عيني ميزاني

تبارك الله على كراميلا جاتك فنة ونيت كتبان ساهلة ولكن كيف قالت الهام الجهد بااااح هههههه ...ان شاء الله من بعد نجربها ...الله يعطيك الصحة الفنون

تبارك الله عليك كريمة جاتك فنننننة

ان شاء الله نجربها

ك الله عليك إن شاء الله نجربها

ربى يخليكم

الهام حتى انا مركارين مكنجيبهاشي ولكن لهادى استعملت لدة حيت مكتجيشي بالزبدة العادية ديال الحليب

انا عارفة مركارين كلها مجموعة من الزيوت المهدرجةولكن كنحاول نقلل منها وصافى حيت بعض الوصفات اساسي فيها الماركارين

الزبدة الاصلية فين تلقاها

قليل ومعظم الزبدة كتلقاها زيوت مهدرجة

الزبدة اللى كتجبار فيها نسبة 96في المية زبدة كتعمل 76درهم نص كيلو هى كنعملها في الصابلى بلحاق ماشي دائما ههههههههههههههه

فالحقيقة مافيهاش الجهد من غير الساعة اللى كتطلقها فيها