حيرانة !!!!!!!! أجي غذاك وعشاك عندي ........

السلام عليكم

اواو تبارك الله عليكم كلكم متميزان تبارك الله وما شاء الله

وفعلا الموضوع غاية في الاهمية لكل ربة بيت .... بارك الله فيك اختي شاكرة النعمة .....

واكيد غدي نستافدو ...منوكثير ....

البارح غدانا كان عدس ...يؤ ...قصدي العندليب الاسمر ههههههه

مع شوية فولات والكلوة مشرميلن ... مع ديسير

الكوتي عادي اتاي مع املو وفرماج وزيوتة وعسل

العشا اصلا ما تنعملوش الا لاولادي ويحت كاينة عنيد الوالدة شربنا الحريرة الحمرا بالتمر والشباكية

الله يديمها علينا نعمة ويحفظها من الزوال ياربي


اكيد متابعاك يا جميل




[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم
انا درت اليوم السفة المدفونة بالدجاج وعصير الفريز
الكوتي غادي ندير الشهدة الى كتاب
والعشاء الحريرة الحامضة شهيتوني
والله ادومها علينا نعمة

سلام عليكم

أنا ليوم مريضة مروحة درت غير les pates بلاسوس و الكفتة


الجوتي باقي عندي لحرشة أعندي بغرير أبقي شوية لكيكة


العشا كندير غير شي حاجة خفيفة حيت غير أنا إلي كنتعشى ههههه

[ندعوك للتسجيل في المنتدى أو التعريف بنفسك لمعاينة هذه الصورة]

ها هو chikon معرفتش سميتو بالعربية هههههه كنسلقوه حتى اطيح أنزيدو عليه
الزيت العطرية أنخليو حتى انشف من ألما بلاتي نحاط لك كي كيجي

[ندعوك للتسجيل في المنتدى أو التعريف بنفسك لمعاينة هذه الصورة]

ها هو فاش طاب كيجي زوين

سلام عليكم البنات

انا درت مريقه بالغنمي بالجلبانه والقوق

لكوتي : شهده ديال ام جيجي ولات ما تخطانيش حيت كتجي روعه

لعشا امكن ندير لحريره حيت شهيتوني فيها ههههههههه

فاضمه واش هداك لي زونديف

انا ليوم درت لكبده مشرمله ، شلاضه

لكوتي درت كيكه لي حططيت في المسابقه ديال عطاء هههههههههههههه عنداكو تنساو ما تصوتوش عليا ههههههههههه

لعشا ولله باقا ما خممت ليه ، حتى نشوف لبنات اش غ اديرو باش نقل منهم هههههههههههه

بالنسبه للاقتراح حتى انا متافقه معاكم

او كنقتارح نبداو بالبطاطس حيت هي لي عزيزه على كلشي او حتى على لوليدات

أم نصر شفتي كتبت أم صابر فيلت عليك ههههه حتى أنا نقترح البطاطس ههههههه أنا كندر بها الفريت ههههههه


أنا
ليوم مادرت لغدا حيت عيانة اراجلي غادي اتعطل في الخدمة ولكن باقي كندور
في ديور نشوف اش ندر بش ايكون جوتي أعشا في نفس لوقت هههههه


شكراً
شاكرة الحامض عندي لمعدة الله إنجيك غير نشربو تنوض البارح شربت الفنيد
حيت فيا سخانة اليوم ناضت ماقديت نكل ولو حيت ضرني في المعدة إو الحمد لله
على كل حال