حيرانة !!!!!!!! أجي غذاك وعشاك عندي ........

شاكرة النعمة كتب:

ايوا اجيو نعاود لكم واحد النكتة هههه

بنتي الصغيرة كان عيد ميلادها العاشر نهار الأربعاء

ايوا جات قالت لي ماما راني عرضت على صحاباتي وعلى العائلة لنهار السبت

حيت 10 سنين من عمري ماشي ساهلة ومهمة بزاف

يالله عطيوني تعليقاتكم

ههههه
اوا نوضي شمري على كتافك
ودري الطورطة والحلويات ووجدي البنت عيد ميلاد ايكون واعر
عيد ميلاد سعيد وكل عام وهي بخير
الله احفظها وعقبال حفلة عرسها

شاكرة النعمة كتب:

ايوا اجيو نعاود لكم واحد النكتة هههه

بنتي الصغيرة كان عيد ميلادها العاشر نهار الأربعاء

ايوا جات قالت لي ماما راني عرضت على صحاباتي وعلى العائلة لنهار السبت

حيت 10 سنين من عمري ماشي ساهلة ومهمة بزاف

يالله عطيوني تعليقاتكم

معندك حتى حل منغير تنوضي وتبداي توجدي لعيد الميلاد دابا راكي أمام أمر واقع
إيوا ديرلها شي لالة حفلة غزالة وإلى بغيتي نجيو نعاونوك معدناش مانع ونيت نحضروا حتى حنا

غدايا طاجين دجاج وفريط وسلاطة الخس ودسير ككيوي وبرتقال وكوتي ولعشا ممنوع حيت تغاديت تقريب المغرب غدي ناكل دانون ودسير

هههههه حسات ببراسها كبرات كتكوتة ربي ييخليهالك

غدايا عدس و طورطية الدجاج وطرطية البطاطا سلاطة الخس وكوتي بغرير وأتاي وعشا دانون

فينكم وواش مطيبتوش اليوم

اليوم درت طاجين الحوت
سلاطة الخص والخيار ومطيشة
عصير الحامض
الكوتي مسيمنات وحليوات مع اتاي
العشاء بيتزا بالكومير وفلان ودسير
والله ادومها علينا نعمة

فعلا الموضوع مهم جدا خصوصا أنا قريب إن شاء الله غادة ندخل لبيت الزوجية هههه و ديما كنط رح نفس السؤال أش غادة نبقى نحضر كل مرة سواء على وجبة الغداء أو العشاء و المشكل الكبير أنه سيدنا رمضان حتى هو على الأبواب و هذا غادي يكون أول رمضان ليا مع الزوج ديالي لذلك كنبقى نتساءل واش غادة نتفوق في هاد الشي أو لا لا إن شاء الله كلشي يدوز بخير و على خير تبارك الله المنتدى كبير و فيه قسم خاص بمطبخ رمضان و شكرا مرة أخرى أختي على الموضوع اللي غادي إن شاء الله نفيدواا و نستفدواا منه

أنا اليوم ما غادة نفيدكم بوالوا حنت ماما الله يخليها لينا هي اللي متكلفة بالطبخ حتى نوالي أنا اللي كنوجد الأكل ديالي ديك الساعة غادة نوالي نشارككم مطبخي ولكن أنا غادة نبقى متواصلة معاكم

بارح كنت صايمة الله يتقبل وفطوري كان حليب وتمر وأتاي رغايف بغرير حرشة فرماج والعسل وعشايا طاجين الحوت وفلان واليوم عندي راحة خارجين بارا غدا وكوتي اللهم راحة هههههه اللهم أدم هده النعمة علينا

اليوم صايمة إن شاء الله فطوري التيشة بالحليب وتمر وبيض وأتاي وبغرير وعشايا سلاطة الخس وفريط وستيك دجاج مقلي وفلان

شاكرة النعمة كتب:

sanae1987 كتب:

أنا اليوم ما غادة نفيدكم بوالوا حنت ماما الله يخليها لينا هي اللي متكلفة بالطبخ حتى نوالي أنا اللي كنوجد الأكل ديالي ديك الساعة غادة نوالي نشارككم مطبخي ولكن أنا غادة نبقى متواصلة معاكم

الإفادة ديما كاينة بطبيعة الحال
وغادي تفيدينا وتقولي لنا شنو مطيبة الواليدة ربي يخليها لكم

ايييه هادي عندك إوا يا لالة إبتداءا من غدا انشالله نشارككم لوصفات ديال الدار

غدايا آليوم فلفلة وودنجال مقليين طرطية بطاطا وسلاطة الخس ومطيشة والخيار وزيتون ودسير بنان تفاح برتقال كوتي وعشا غدي نقضي بلي كان حيت راجلي معروض نالسبوع

غدايا اليوم طاجين دجاج بالجلبانة وخيزو وسلاطة الخس بمطيشة والخيار و زيتون وكوتي أتاي وكرواصون لعشا ديسير بنان تفاح برتقال

تبارك الله عليكم

حتى انا نشاركم معاكم من اليوم ان شاء الله

الغدا متيكونش ابو تينيم ديما المهم ليوم ماكانش درت زعلوك و كفتة بالبيض و عصير ليمون و الحامض

الكوتي لي كان معنديش معاه غير على قبل تسنيم حليبة بكولاكاو و خبيز

العشا الا بغا الله بيتزا بالطون عندي لاباط طايبة فالفريكو خاص غي الحشوة و غندير الا كتاب صلاض فروي

غدايا اليوم اللوبيا البيضاء ودسير وكوتي أأتاي وكرواصون وعشايا وسلاطة الخس وفريط ودسير

السلام عليكم ليوم درت طاجين اللحم بالخضر شيفلور و خيزو و بطاطا سبع خضاري و صافي ههه

شلاضة مقرونة و طون و خيار زويتون مقطع و مطيشة كتجي زوينة كتعجب ابو تسنيم

لبارح مادرت صلاض فروي عصريت ليمون و الحامض ليوم ان شاء الله ندير صلاض و نخوي عليها شوية من العصير لي شاط

هنوئة شهيتي فاللوبيا حتى لعند ماما و نديرها

حيت ابو تسنيم معندوش معاها محرمها عليا

غدايا اليوم طاجن بالخضرة بطاطا وخيزو وجلبان و سلاطة خس و مقرون لي شاط لي من لعشا والعشا سلاطة وفريط ودسير

غدايا اليوم الهركمة وشلاضة وديسير العشا مكنتعشاوش غير الكوتي وصافي