دردشة مطبخ للا مولاتي

تذكير بمساهمة فاتح الموضوع :

الهام كتب:

حتى انا معولة على كسكاس اللي يفور الخضر

لاني وليت اغلب الخضر ناكلها مفورة

عندي كسكاس صغير هو اللي نافعني دغيا كيبخر لي بالغطاء ديالو لكن عيني زغلو على ديال الضوء خصوصا فيه طبقات ويمكن ليك تعملي كلشي سواء لحم او خضر

نعطيكم طريقة قريتها هاد الايام للتبخار

الاغلبية حتى كيبخرو الخضر عاد كيشرملوها ومني كيشرملوها وهي مبخرة بعد المرات كتهرس هههه

المهم الطريقة هو تشرملي اولا الخضر

تحميرة ابزار كامون ربيع تومة زيت زيتون بزاايد ملح وسكنجبير للي يحبو

المهم تشرمليهم وتخليهم يشربو ليقامة مزياان عاد تعمليهم يتبخرو مممممم يا سلام كيجيو رائعين وغير تهزي وتحطي فالطبسيل بلا تمارة

نتمنى تجربوها هههههههههه هادي هي الدردشة ههههه افادة واستفادة ههه

بغيت نقولك الهام راه ديك الالة ديال البخار راه مايصلاحشي تشرملى الخضر عاد تبخريها راه مكتوبة عندها في الكتالوج
حيت كايهبط ديك الشي لتحت ويقدر يغلقها
حتى كتبخر عاد كتشرمليها راه الملح وممنوع تحطيه في الاكل من غير صحن المرافق ليها ديال الارز
تقدرى تشرملى الارز او شي حاجة وتعملها فيه

البنات تبارك الله على قشيوشاتكوم ...الماسة ديك الالة اللي كتقطع الميكا حتى انا عندي حتى انا نصورها ليكوم ....ام جيجي هي عندك الروبو هادوك راه كيعاونو بزاف ..وديك الشواية ديال الضو كتبان لي باقي جديدة يمكن باقي ماستعملتيها ..ايوا سيري شوي فيها وقولي لينا واش مزيانة واش ماكتدير دخان ...انا عندي تيفال دبا نصورها ولكن كتدير ليا شوية دخان وخاص ديما نشعل ديال الكوزينة باش ماتجبد الدخان وخصوصا منين كيكون اللحم اولا الدجاج لاصقة فيهوم التشريلة ....يلهام نت ديك اللي عندك محال كتدير الدخان ياك حتى انا عندي بحالها وزعما بغيت تيفال قلت لامارك ساعة كفراتني ههههههه ولكن اللي مزيان فيها هي انها كتطيب مزيان خواللحم كيبقا رططب

السلام وعليكم
هههههههههههههدخلت جاوبت بلا احم ولا دستور هههه
سمحولى
حبيبة تبارك الله عليك الله يعطيك صحيحتك ويرزقك ربى بشي ولادة ساهلة
موضوع رائع غير نسالى شوية ونجيبلكوم قجاقلى حتى انا ان شاء الله
تبارك الله عليكم وعلى مويعناتكم ههههههههههههه هانا هضرت بحالكم ومقولتشي القشوع

عطاء كتب:

تبارك الله عليكم داكشي مزون تيحمقققققققق ويهبللللل

بالصحة والراحة .....

البنات قولي لي ديك الالاة باش تيسدو البلاستيك واش باقيين غاليييين حتا كل مرة سولت عليهم تنقلاهم غاليييين بزاف

اختى عطاء واش انتى عايشة في المغرب الى كنتى في المغرب راه اختى باقا غالية حيت دايما عاملها في بالى وديما كنطل عليها في مرجان والكترو بلانيت
راه كتعمل 470درهم
وان شاء الله الى منزلتشي نجيبها من فرنسا راه عندهم البالى زوين بزاف واحد الموقع فيه العجب اسمه بونكوان

الهام ام جيجي اوهووووووووووووووو اناري درت خطإ مطبعي هههههه راه بغيت نقول ليكوم الحشوة دالبسطيلة ماشي بسطيلة ملمطة ههههه اما الملمطة الى درتوها فيها راه غادي تولي بحال كبيتي عليها الما ...حينت ماغادي تحمر والو كيقولو عليها زعما ديال البيتزا ولكن انا ماعمرني جربت فيها بيتزا .....عطاء ديك الالة عندي ولكن نسيت بشحال شريتها ولكن مانظنش انها غالية يمكن غير شي عشرين اورو بلاتي تجي الماسة على الله تكون عارفة الثمن

ام ولاء و براء كتب:

السلام وعليكم
هههههههههههههدخلت جاوبت بلا احم ولا دستور هههه
سمحولى
حبيبة تبارك الله عليك الله يعطيك صحيحتك ويرزقك ربى بشي ولادة ساهلة
موضوع رائع غير نسالى شوية ونجيبلكوم قجاقلى حتى انا ان شاء الله
تبارك الله عليكم وعلى مويعناتكم ههههههههههههه هانا هضرت بحالكم ومقولتشي القشوع

اهلا الزين ماتحتاج لا احم ولادستور واه راه الدار دارك ....كيب بقات جداك شوية لاباس والوليدات كلشي مزيان راه كنتوحشوك الزين ...ايوا هاحنا كنتسناو ميعناتك وبقاي معانا راه هاد الموضوع ان شاء الله غادين نفليو فيه الكوزينة كلها غير دبا بدينا بالآلات باش داكشي يكون مرتب

يتوحشك الخير والرباح الحبيبة جدتى راها في الرحمة الله
باقا الحالة كيف ماهي
الحمدلله على كل حال
والوليدات لاباس الحمدلله راك عارفة ضرورى من الشطون ولاء ولات تغير بزاف ايوا كنعديو معاهوم
حبيبة رانى في الدار غدا ان شاء الله دورى نقرقبو الناب شوية راه توحشت الهضرة معاك والفضفضة ههههههههههههههه

ام ولاء و براء كتب:

يتوحشك الخير والرباح الحبيبة جدتى راها في الرحمة الله
باقا الحالة كيف ماهي
الحمدلله على كل حال
والوليدات لاباس الحمدلله راك عارفة ضرورى من الشطون ولاء ولات تغير بزاف ايوا كنعديو معاهوم
حبيبة رانى في الدار غدا ان شاء الله دورى نقرقبو الناب شوية راه توحشت الهضرة معاك والفضفضة ههههههههههههههه

الله يشافيها اختي ويعافيها وولاء غير الخاطر دبا يفوتها الحال ...صافي اختي ان شاء الله ندور ليك غدا مع العشية حتى توحشت نهضر معاك ....يالله تهلاي الفنون تصبحي على خير

ان شاء الله ربى يخليك
ياربى امين والله يشافى جميع المرضى

سلام عليكم البنات

بغيت نقول ليكم بلي ديك لمقله لي عندي او عند بلقيس كطيب الاشياء لي جاريه هههههه ما عرفتش كيفاش نشرح ليكم ههههههه

هوما تيقولو ديال لبيتزا ، ولكن انا جربتها فيها او جات عرقانه ، يعني ما جاتش مقرمشه ،جات فازكه ، هدا يعني انها ما امكنش طيب فيها لبسطيله،

ممكن طيبي فيها لعماره ديال لبسطيله ، لبايلا ، لكفته بلاصوص ديال مطيشه ، صوصيص مع لخضره ، تكتوكه هههههه ، لكبده مشرمله ، لحيمات مقطعين طراف صغار او مشرملين بليقاما او لبصله .......

يعني كتستعمليها بحال لمقله لي فوق لبوطه ، غير هي كتنقص عليك ، الى كنتي باغا طيبي اشياء اخرى ، ما تبقايش تسناي ، طيبي فيها هي او الاشياء الاخرى ديريهم فوق البوطه

كتنفع ملي اكونو جايين عندك ضياف ، او في رمضان

انا اغلب هاد الآلات كنجبدهم في رمضان هههههههه

ام ولاء و براء كتب:

عطاء كتب:

تبارك الله عليكم داكشي مزون تيحمقققققققق ويهبللللل

بالصحة والراحة .....

البنات قولي لي ديك الالاة باش تيسدو البلاستيك واش باقيين غاليييين حتا كل مرة سولت عليهم تنقلاهم غاليييين بزاف

اختى عطاء واش انتى عايشة في المغرب الى كنتى في المغرب راه اختى باقا غالية حيت دايما عاملها في بالى وديما كنطل عليها في مرجان والكترو بلانيت
راه كتعمل 470درهم
وان شاء الله الى منزلتشي نجيبها من فرنسا راه عندهم البالى زوين بزاف واحد الموقع فيه العجب اسمه بونكوان

اهلا كريمه كيدايرين لكتاكيت هههههههههه

هاديك الآله كدير هنا 34 اورو ، و لكن على حساب لمارك ، را كاين ما غلا منها ، او كل واحد او جيبو ههههههههههه

الزهراء انا مابقيت عاقلة بشحال شريتها كانو جابوهوم فليدل وخديتها من تماك ولكن هادي اكتر من4سنين

كتبت حتى عيت ومشا لي

ماشاء الله ولا حول ولا قوة الا بالله تعصبت مممممممممم

السلام عليكم

بلقيس هاديك الآلة لي قولتي لي جديدة راه شحال وهي عندي غير عزيز عليا نحافض على لومبالاج د الألات ههههههه شفتي هداك الروبو 13 عام ومازال عندي الكارطونة جامعة فيها القشاوش ديالها هههههه وراه فايت لي طيبت فيها المسمن غير أنا ما كنستعمهاش بزاف عندي شواية فحال لي حطت إلهام هي لي كنشوي فيها ووحدة أخرى فيها طبقات يعني فيها فحال المجورة وفيهم لاطاتات غير هي كبيرة كتنفع إلى كانو عندك الناس راه حاطاها في الكراج شي نهار نجبدها ونصورها

وكل الشوايات لي عندي كنحطهم تحت الشفاطة لي كتسف الريحة والدخان وكنحل السرجم د الكوزينة وصافي ما كتبقاش الريحة والدخان كتسفو الشفاطة

وشكرا ليكم البنات على التوضيح أنا يسحاب لي ديك الالة كطيب البسطيلة هههههه ساعة ملي هي غير مقلة د الضو راه عندي ختها غير هي مربعة دابا نزلها و حتى أنا داك شي نيت لي كنطيب فيها

لبنات نصيحه باش تنقصو من دخان اثناء الشي بالشوايه ديال ضو

حطي صينيه فيها لما تحت شوايه ،خصوصا شوايه بحال ديال الهام

تبرك الله عليكم


غصن اش دكشي إلي حطيتي ههههه مقشعت ولو ههههه

الماسة اه أنا كنديرو احتى شوية أزير يابس كيعتي ريحة زوينة ديري لم أحكي
فيه شوية أزير أعندي بحال ديال إلهام أنستها عطاها لينا واحد نصراني ههههه
دبى نطلع lgroni نجيبها أنصورها ههههه

الحبيبة أم جيجي أنا عجانة فحال ديالك في الشكل لكن أنا غير كنعجن فيها كيفاش كديري الخبز يطيب فيها في الصبح وكيفاش كتركلي الوقت

حبيبتي أم نصر لله وطه فين نلقى ديك الالة باش كتسدي الميكات وتشفط الهواء منهم رني بغيتها ومعرفتش فين نلقاها

ختي انا في فرنسا شريتها من لمكزا ، مجودا

ما عرفتش نتي فين ، ولكن الى كنتي في المغرب را كنظن تكون في مرجان و العلم عند الله

oumadam&doae كتب:

الحبيبة أم جيجي أنا عجانة فحال ديالك في الشكل لكن أنا غير كنعجن فيها كيفاش كديري الخبز يطيب فيها في الصبح وكيفاش كتركلي الوقت

أختي أم آدم ودعاء راه كيكون فيها الكتاب مشروحة فيها طريقة الاستعمال وحتى الوزن لي كتهز

فحال هادي لي عندي كتهز 750 غرام

وفيها بروكرام ديال التوقيت يعني كتعملي المقادير في الليل وإلى بغيتي الخبز في الصباح مثلا 7 د الصباح كتراعي الوقت لي غتستغرقو في العجن والوقت لي غتخمر فيه العجين والوقت لي غيطيب فيه الخبز ...............إلى كانت مثلا هاد العملية كلها كتستغرق 2 أو 3 الساعات كتعملي البروكرام مثلا على 5 د الصباح ومع 7 كتلقاه واجد يعني معجون وخامر وطايب

نتمنى نكون قدرت نوصل ليك الفكرة وعلى العموم راه إلى عندك الكتاب ديالها كيكون موضح فيه كلشي حتى اشنو ممكن تعجني وطيبي فيها

وخى عليكم حطيت قجاقلي حتى أحدى ما علقات عليهم دبا نمشي نهزهم

مشاعر ما تقلقيش الزين راه حتاش كذبتي علينا قولتي ماعندك قجاقل ونتي تبارك الله عندك الخير ههههههه

راه هاديك الشواية ديالك فحال ديالي تقريبا

وحتى داك الروبو عندك غزال ياك فحال ديالي وديال بلقيس هداك راه ينفعك بزاف وكلشي عندك غزال يا جميل أنت هههههه

هههههه شكراً يا جميل أنا راح قلت لكم عندي داك روبو جبتو لي مرات لوسي
هدية المنزل ههههه اديك شوية عطها لينا واحد نصراني هههههه يعني مشي أنا
إلي شريتهم ههههه

بصحتك الزين المهم عندك في دارك راهم ديالك بشوية بشوية كيحمل الواد ياك.................. دابا يوليو عندك القجاقل حتى ما تلقى فين ديريهم وقولي قالتها أم جيجي هههههههه

ام ولاء و براء كتب:

عطاء كتب:

تبارك الله عليكم داكشي مزون تيحمقققققققق ويهبللللل

بالصحة والراحة .....

البنات قولي لي ديك الالاة باش تيسدو البلاستيك واش باقيين غاليييين حتا كل مرة سولت عليهم تنقلاهم غاليييين بزاف

اختى عطاء واش انتى عايشة في المغرب الى كنتى في المغرب راه اختى باقا غالية حيت دايما عاملها في بالى وديما كنطل عليها في مرجان والكترو بلانيت
راه كتعمل 470درهم
وان شاء الله الى منزلتشي نجيبها من فرنسا راه عندهم البالى زوين بزاف واحد الموقع فيه العجب اسمه بونكوان

نعم اختي ام ولاء انا في المغرب ....اما داك مرجان عرفت واش الاصمنة فيه غاليين بزاف عاد .... وتا ملي يعملو التخفيض ما كاين شي معنى ....

.... اشحال من مرة تنسول عليهم حيت تنستعمل بزاف ميكات للفريكو .... اواو نخليهم نيت تا يرخاصو هههههه ما خاسرين والو ....

شكرا يا جميل على الرد ....

البنات تبارك الله عليكم ..قشوعكم مزونين بزااااااااااااااااف

بصاحتكم وراحتكم ....