دردشة مطبخ للا مولاتي

تذكير بمساهمة فاتح الموضوع :

حبيبة هاديك الماكينة ديال لاكلاس كتديرو زوين صراحة كايعجبنى انا كنعملو بالفواكه الطبيعية
وملى كنبغى نعمل بزاف كنشري الجاهز حيت هى مكتخرجشي المقادير بزاف
واختى نتوما عندكم لاكلاص رخيص بزاف لاش تبقى تعدلو هههههههههههه
انا شريتها من فرنسا من بريك ا براك بحال جوطية ولكن فيها ديك الشي زوين صراحة وجديد

شكرا كريمة ان شاء الله دبا قرب الصيف غادي عاود يحطوهوم رخاص ونشريها ..اختي اييه لاكلاص رخيص ولكن ماكتعرفي اش كتاكلي راه كيكون فيه اضافات وجيلاتين اللهم الحاجة دالدار كتعرفي بعدا اشنو كليتي

اييه عندك الحق
هى معاها الكتاب فيه وصفات زوينين انا كنعمل من كتاب نادية الجهرى كايجى غزال دابا نزل شي وصفة هاد اليوماين حيت ولاء لاصقانى بغات لاكلاص
وكتقول لجدها البارح مبغاتشي ماما تشريهلى قاتلى حتى لصيف
قالها فوقاش الصيف قاتلو منى نكونو لابسين سليب وسوتيمات ههههههههه زعمة بيكينى
حشمتنى

هههههههههههههههه الله يحفظها وخلاص راه عندهوم شي كلام والله كيفاجيو وكيضحكو ...يالله هاحنا نتسناو الوصفة

ان شاء الله حبيبة هى ووصفة سلاطة الدجاج راه بغيت نزلها بالصور نعاودها ونحطهاليكم ان شاء الله
راك طلبتيهالى انتى ولطيفة وام الشهيد غير سمحولى والله مكنسالى راك عارفة اللى كاين اليومة مشيت الصباح شفت جدتى وخليت براء مع باه ومبغيتشي نبقا نخرجهوم على الاقل هاد الاسبوع ودوزت ولاء لدار جدها حيت قراب ليا بزاف

كريمة عندك داك السخان دالماء بحال ديالي ...اما داك دالكاشيرواش ديال البلاستيك وكيفاش كيتعملو كتخويه فيه وصافي تديريه يطيب فالكوكوت ...انا كنقلب عليه ولكن الى كانت شي مادة اخرى حينت دبا الاطباء كيحدرو نطيبو فالبلاستيك اولا نديروه فميكرووند

اما على الوصفات حتى وكان اختي دبا تجي وقتهوم الله يكون فعوانك راني عارفة اشنو كاين

اه قلتها قلت السخان دالما بحال ديال حبيبة ههههههههههههههههههه
كتعمر فيه الحشو وكتعملها في الكوةكوت في الما غليان وتسد عليها اولا كتعملها في البرمة وتقل عليها بشي حاجة وتخليه يطيب
اش غادى نقولك متعرف بمن تيق صراحة كل واحد واش كايقول
كاين بلاستيك خاص بالميكرووند راه كايكون عامل بحال السيليكون
وانا مكنسخن حتى حاجة صراحة فالمايكروو اى حاجة كنعملها في شي طبسيل اوبولا ديال البورسولين
وكنسخن

اه تفكرت قبل ما نمشي انا ما رديتش البال ن الالة د لاكلاص وريوهالي وهاد الاة شكاتعمل ن لاكلاص زعما ههههههههههههههههه

أهلا بالغزالة سيهام اش خبارك وفين غوايبك

غير هزي الحبيبة لي بغيتي كلشي ديالك تستاهلي ما أحسن الفنون

ومتبقاش تغبري علينا مرة مرة طلي علينا شفنا واش حنا لباس طل علينا ههههههههههه

سيهام هههههههههههههههههههه مرحبا هزى اللى بغيتى تستاهل
اه اييه ياكما شريتيها حتى انتى من ايكيا ياك
هههههههههههههههههههههههههه

الغراف ديال الكاشير جيبتو من كازا هنا مكايبيعوهشي عييت منقلب عليه بغيت نزيد واحد اخور مكاينشي
بوسيلى جويرية وعبد الرحمن

سيهام ضحكتيني الله يعطيك شي خير والله كون كنتي حدايا حتى نعطيها لختي بكل فرح تستاهلي ما أحسن الزين

و بالنسبة ليك راه عادي التربية ما ساهلاش كتشطن ومكتخلي وقت للشغل خاصة إلى كانت لغزالة د جويرية مازال ما خدات الريتم ديال النعاس ديالها راه كلنا دزنا من ديك المرحلة خاصة إلى كانو 2 كيشطنو

إن شاء الله مرحلة ودوز وترجع لينا سيهام بنشاطها المعهود وحداكتها وتاويلها والله إلى توحشنا دوك الايام والشموع والرومانسية والحناء هههههه

ياسلام كانت أيام

ربي يحفض ليك الكتاكيت ويقدرك على تبيتهم بوسة كبيرة ليهم

نبارك الله على ميعناتكم تترجع لي الكانة ونعاود نصور دكشي لي باقي

كريمة واش هاديك الالة د البانني ود الكوفر فنفس الوقت
حيت داكشي لي بان لي شرحلي
فين شريتيها وبشحال ههههههههههه البلوة

اييه تطوانية انا كنت بغيت 3في واحد حيت بزاف ديال قجاقل غير روينة وصافى هادى فيها البانينى ولكوفر والطوسط
جيبتها من فرنسا العام اللى فات لقيتهوم نزلوهوم في الصولد وعندها 3سنين ديال الضمان
شريتها ب35اورو واقيلا الى بقيت عاقلة غير هايدا ماوصلاشي ل40
هنا ملقيتهومشي لقيت في البالى الناس اللى كايجيبو سلعة دبرة وشريتها ب100درهم ومخرجتليشي زوينة مكتسخنشي مزيان
كاينين في مرجان فيها غير جوج بانينى و طوسط مافيهاش ليكوفر

ام ولاء و براء كتب:

اييه تطوانية انا كنت بغيت 3في واحد حيت بزاف ديال قجاقل غير روينة وصافى هادى فيها البانينى ولكوفر والطوسط
جيبتها من فرنسا العام اللى فات لقيتهوم نزلوهوم في الصولد وعندها 3سنين ديال الضمان
شريتها ب35اورو واقيلا الى بقيت عاقلة غير هايدا ماوصلاشي ل40
هنا ملقيتهومشي لقيت في البالى الناس اللى كايجيبو سلعة دبرة وشريتها ب100درهم ومخرجتليشي زوينة مكتسخنشي مزيان
كاينين في مرجان فيها غير جوج بانينى و طوسط مافيهاش ليكوفر

بارك الله فيك اختي
الله اسخرها ليك
مدا بي نلقى بحالها

اختي ام آدم ودعاء عجباتني ديك الماكينة اللي كتطحن الكفتة بشحال شريتيها واش كتطحن مزيان اللحم بحال نيت الى شريتيه مطحون

فاضمة راه ديك العجانة ديال الطوست حاطينها فليدل ب 45اورو ..غادي تبدا نهار 12فابريل ايوا شريها راه كتعاون يمكن حتى انا نشريها شوفي الجرنال راه جابو شحال من حاجة زوينة

الحادكات قولولي شحال كتعمل ديك الالة ديال التبخير وفاين كتباع وتبارك الله عليكم

سيهام هههههههههههههههههههه
على السلامة
ياك ماجويرية باقا فايقة
مقسرين اليومة حتى براء باقى منعاس
ههههههههههههههه
انا شريتها من الكتروبلانيت 490درهم
وبحال بحال الثمن في مرجان واسواق السلام وتماك نفس الثمن
برة في السوق كايقولو 600درهم
شوف راه مغادى تندمشي عليها راها عملية بزاف

بلقيس كتب:

اختي ام آدم ودعاء عجباتني ديك الماكينة اللي كتطحن الكفتة بشحال شريتيها واش كتطحن مزيان اللحم بحال نيت الى شريتيه مطحون

الحبيبة هديك شريتها من وجدة ب 650 درهم صراحة غزالة كتطحن الكفتة مزيان فحال لي كنشريو مطحونة

شكرا لك اختي رشيدة ..حقيقة تمنها فيها حينت احسن نطحنو الكفتة فالدار كتعرفي بعدا اشنو درتي فيها وعاد الماكينة كتكون نقية ماشي بحال عند الجزار ديما كنقول نشريها

حبيبة هههههه نسيت ماشفتش راجلي هز جرنال ده معه هههههه دبى نشوف عند خالتي ههههه أنا بغيت إلي كتعجن كلشي هههههه 5 في 1 ههههههه

مشاعر إلى ماكنتش عندك العجانة العادية فنصحك تاخديها هي الاولى عاد خودي ديال التوسط لان هاديك راه خاصة غير بالتوسط أو البريوش وحتى المول ديالها ما كيزش بزاف يعني ما تعوليش عليها تعجن ليك كمية كبيرة فهمتي يا ست هنادي ههههههههههه

أيوا يا ست لطيفة فهمت دكشي إلي قلت لحبيبة هههههه بغيت إلي كتعجن كلش
هههههه أما أنا دبا حطة على ديك ديال الخضرة هههههه حبيبة إلى بنت لك في شي
قنت قولها ليا راح عرفك تشوفني من شرجم ههههه

صافي فاضمة غير تهناي الى شفتها فشي بلاصة بثمن مناسب نقولها ليك ..راه كانو جابوها فالدي مابطاش الحال غير ب 25اورو ....على الله يحطوها تاني فليدل اولا فكارفور ...راه انا منين ولات عندي وهي كنخدم بيها تقريبا يوميا ...غير اللي بغات تشريها تشوف واش كتطفى بوحدها بعد المدة واش يمكن نبرمجو المدة اللي بغينا هاكا كتكون احسن

فاضمة راهوم غادى ينزلوها في ليدل هاديك ديال الخضرة راه حتى هى عاملين فيها صولد
راه يمكن ليدل كاملين كايحطو في دقة وحدة
حيت ملى سمعت حبيبة قالتهاليك عملت انقلاب داخل الاوساط الفرنسية وعملت اتصالات
وقتلهوم العجانة فليدل فيها الصولد وصيتهوم كاملين يردو البال باش يشريوهالى هههههههههههههههه
حيت ديما كنخلى الفلوس بزايد عندهم باش الى كانت شي همزة يهزولى ههههههه بلا منكلف على شي حد
قاتلى اختى راهوم عاملين الالة كتبخر الخضرة قتلها بغيت العجانة اما هاديك عندى ههههههههههههههههههه