الوصفات الطبيعية المجربة

السلام عليكم

حليت هاد الموضوع نحطو فيه الوصفاتالمجربة باش مضيعش مع ردود

نبدا انا

هاد الوصفة تنديرها لشعري والحمد لله بدا يطوال وقوا

زيت الزعتر
زيت اركان
زيت لخزامة
زيت اللوز
زيت العود

تنخلطهم وندهن بيهم منابت الشعر اتنخليهم 4 ساعات او اكثر ونغسل شعري نتمنا تجربوها وتنفعكم

ام الشهيد مروان كتب:

شكرا لك لالة فجر على الوصفة الناجعة ...
ان شاء الله نجربها....

ربي يخليك ان شاء الله تنفعك

تبارك الله عليك اختي فجر على الموضوع المفيد ...ووصفة الزيوت اكيد غزالة للشعر وان شاء الله نجربها باش ندير السالف هههههه

شكرا لك اختى

فيتكم الحادكات

هانا حبت ليكم هاد الوصفة لي بغات تغير لون شعرها جربتها عطاتني لون رائع فشعري

الماء ديال ديكباج نمرة9 غيرالماء بلا غبرة

معلقة زبت العود
معلقة صابون بلدي خلطيهم وديريهم لشعرك خليهم ساعتين عا دغسليهم تيعطيو لون رااائع بالتجريب

تبارك الله عليك اختي فجر ...قولي واش الديكاباج ماكيحرقش الشعر انا ماعمرني استعملتو

هدا واحد الماسك جربتو شحال من خطرة ونتيجتو كتبان فالحين ساهل ماهل غير ابيض بيضة تحطيه فوجهك وخليه حتى ينشف وغسليه بماء دافى ومن بعد ماء بااارد كيعطي حيوية للوجه وكتحسي بانتعاش واشراقة واللي عندها شوية ديال التجاعيد كيجبدهوم ايوا جربوها وردو الخبار

وديما الماسك ماكنديروه حتى نديروكوماج للوجه وننظفوه مزيان واللي بغا من بعد يقدر يدير بخار لبضع دقائق وعاد يحط الماسك هاكاك كتبان النتيجة مزيان

وكناخد ماء ورد كنديرو فعلبة الخاصة بالتلج وكل مرة كنهز وحد ة كندوزها على وجهي كتزول التعب وكتعطي صفاء للوجه وحيوية

بارك الله فيكم على هذه الوصفات

كولشي عندي الا زيت الزعتر

نمشي نقلب عليها

فجر شكرا على الوصفة غير بغيت نسولك على اللون لي تتعطي هاد الصباغة

انا هاد الايام كنفزك وجهي بالماء او نحط عليه شويه ديال سنيده او نبقا ندير حركات دائريه ، او من بعد كنغسلو بالماء دافي او كنوضع كريم مرطب

هادا كوماج للجسم

كاس ديال الملحه الخشنه او الملح العادي بالنسبه للبشره الحساسه + نصف كاس زيت زيتون

نخلطهم او ندير بيهم كوماج للجسم كامل

من بعد ندير دوش ديالي عادي

تبرك الله عليكم نتومة كتحربو تورية بلا خباري ههههههه

تبرك الله على الوصفات حتى أنا بغيت نبالي بالحالة ههههههه راح تورية دارت فيا ما بغات هههههه

حبيبة دبى نجرب هديك ديال أبيض البيض هههههه

تبارك الله عليكم اخواتي غدي نقوليكم وصفة اللشعر باش يبقي ييلمع وكيرطاب وكيحيد النقط السوداء من لشعر صفر بيضة بلدية عسل الحر زيت الزيتون قطرات من زيت الخزامي نخلط الكل ونعملهم في شعرنا ساعة حتي ساعتين

تبارك الله عليك هنوؤة ولكن واش قصدتي الوجه اولا الشعر حينت قلتي النقط السوداء هادي كتكون فالوجه ...فاضمة جربيه وردي عليا الخبار راه غادي يعجبك الحال

البنات تبارك الله عليكم
قولو لي عندي اركان د التجميل ولكن معرفت اش كنديرو بيه
اشمن وصفات

[ندعوك للتسجيل في المنتدى أو التعريف بنفسك لمعاينة هذه الصورة]

ها هو

عبيطة هههههههه عندها ارغان أمعرفتش اش تدير به ههههههه حتى أنا عبيطة بحالك هههههههه

titouaniya كتب:

[ندعوك للتسجيل في المنتدى أو التعريف بنفسك لمعاينة هذه الصورة]

ها هو

طريقة استعمال زيت اركان للتجميل

كحماية في الليل للوجه:
بعد ازالة الماكياج ضعي الزيت في وجهك ولاتنسي عنقج
كحماية للجسم :عندما تخرجين من الحمام أدلكي بلطف بشرتك .اذا كانت بشرتك جافة لا تترددي في دهن جسمكج جيدا بهذا الزيت بعدها خدي حمامج .لكن بعد أن تنتظري نصف ساعة
بالنسبة للشعر
اذا كان شعرك جافا ادهنيه بهذا الزيت .ادلكيه واتركيه مدة نصف ساعة بعدها اغسليه ب
shampoing
لتقوية الأظافر:
أغمسي أظافرك في حمام متساوي بين زيت اركان وزيت الليمون .أتركي اظافرك في هذا الخليط لمدة 10 دقائق


زيت اركان ثروة نادرة في العالم توجد في المغرب فقط فوائده متعددة أهمها أنه يحتوي على فيتامينE يؤخر التجاعيد ينعم البشرة والشعر له فوائد صحية خالي من الكوليستيرول يستخدم في علاج بعض الامراض

تبارك الله عليكم البنات وعلى وصفاتكم

ان شاء الله حتى انا غنجرب ديال اببض البيض

titouaniya كتب:

[ندعوك للتسجيل في المنتدى أو التعريف بنفسك لمعاينة هذه الصورة]

ها هو

ختي تطوانيا خصك دريه فتلاجة باش ميخصرش ليك

ومن الاحسن دري 2 قراعي فالمجمد حتى تسالي 1 وهزي لخرى

وكما قالت ليك ام نصر الله راه مفيد بزاف للبشرة

ههههههههههههه
عندي كنز ثمين ومهمشاه
شكرا ليكم بزاف ان شاء الله ندير بصائح ديالكم

titouaniya كتب:

ههههههههههههه
عندي كنز ثمين ومهمشاه
شكرا ليكم بزاف ان شاء الله ندير بصائح ديالكم

فاطمه هو ع كنز او سكتي ههههههههههههههه

رسلي لختك قريعه هههههههههههههه