مشاعر ترحب بكم

تذكير بمساهمة فاتح الموضوع :

المتشردات هاني كريت لكم عند أخت غصن الزيتون
هنا غنلقو راحتنا حيت باقي الشلة بقى فيهم الحال حيت ناس الحومة لخرى
كيتشفو فينا ههههههه إو قلنا نجيو عند غصن الزيتون هي منا مغديش تشفى راح نسيت
نهار لول كان علينا نجيو لهنا بلا فضايح ههههههه المهم مرحبا بكم نشطو هنا
حتى احن الله أهدي دارنا التانية

ام الشهيد مروان كتب:

لالة ..فجر الدعوة ..الله يكثر خيرك ويخلف عليك الغالية ..
ايوا شهدة هادي معتبرة .. طيبة لذتها مزال في فمي ..
ما شاء الله عليك حبيبة ولك مني احلى تقيم ....

ربي يلخليك يا صاحبة لقلب لكبييييير

فجر الدعوة كتب:

السلام عليكم هانا عاود جيت وتوحشششششششششششششششششششتكمممممممممممممممم والله

كدايرين الحبابات لاباس عليكم

اهاني جبت معايا شهدتي المتواضعة

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

اكراااااام توحشناك اختي
اش خبارك لاباس عليك والوليدات
فين كتغبري علينا ياك لاباس
نتمنى تكوني بالف خير
وتبارك الله عليك
شهدة كتشهي

أهلا فجر اش خبارك والوليدات لباس ايوا غوايب هادو لعل المانع خير حتى حنا توحشناك أختي متبقاش تغيبي علينا

وتبارك الله عليك شهدة غزالة الله يعطيك الصحة

أهلااا اكرام لاباس عليك والوليدات لاباس ..فين غبورك اختي وكيدايرا للا ريحانة لاباس عليها واش كتكبر شوية ...ايوا شهدة كتشهي تبارك الله الله يعطيك الصحة

فاضمة فين غبرتي علينا
ولا خرجتي تفوجي شوية

الغاليات على قلبي السلام عليكم كنتمنى تكونو بخير سمحو ليا على هاد الغيبة جاو عندي الضياف من مراكش جلسو 2 الأسابيع بالاه مشاو ومرضت بهاد الريح الله ينجيكم وكنتو ديما في البال
بلقيس تبارك الله عليك وعلى البنية الله يصلحها لك وتشوفيها كيف بغيتي أش خبار الكريشة
كريمة لاباس علسك كسف داير العزري لاباس عليه هي وعاوناك ولاء عليه مرة تسهر معاه هي مرة أنت هههههه
فاضمة الغزالة لاباس عليك الله يفرحك الزين بالدرية الصالحة أنت والتطوانية وأمونة وجميع المنتظرات التوأم إن شاء الله ولكن غير 2 براكة عليكم 11 بزااااف تبارك الله وما شاء الله
الغالية أم الشهيد مروان نتمنى تكوني بخير والوليدات كذلك
باقي العبيطات لي مادكرتش أسماءهم يسمحو ليا راكم في البال وتوحشتكم

محبة السلام كتب:

أم جيجي إكرام فاطمة السلام لا باس عليكم أش كتعاودو كبف دايرين مع هاد البرد

اهلا نادية توحشناك بزااااااااف
وعرفت واش غير الشديد القوي لغبرك علينا
كبقتي شوية لاباس
وعلي شبع عطلة

أهلا نادية سمحيلي عاد شفت ردك اش خبارك وكيف عامل العزري هي غبروك الضياف ههههههه والله إلى توحشناك وبالي دائما معك قولت البنات داك النهار راه محبة السلام لي مولفة توجد لينا الفطور في الصباح بكري غبرت ايوا هانتي دبى بدا تفطرنا الله يخلف عليك راه تلاقينا غير الخمارات

النوم والكسل أحلى من العسل هدا راه شعار فاضمة ههههههههههههه

فاضمة توحشتك واش مازال ما وصلت نوبتك جر يما تجر هههههههههههههههه

البنات واش كاينة شي إمكانية بش نصغرو الصفحة راه كبيرة بزاف

om jiji كتب:

البنات واش كاينة شي إمكانية بش نصغرو الصفحة راه كبيرة بزاف

المعذرة اختي

راني انا كنعمل تغييرات على المنتدى

صبرا علي

راني كنقادو

و ما يكون غير الخير ان شاء الله

om jiji كتب:

البنات واش كاينة شي إمكانية بش نصغرو الصفحة راه كبيرة بزاف

قلت زعما نكبر الصفحة لان الاخت الهام قالت ديك المرة بان عينيها كيدروها

جاها كولشي صغير

و لكن غادي ندير لا ضر و لا ضرار

هانا كنقاد فيه

امين يارب العالمين

و بكل سرور اختي

اخواتي الكريمات

لقد تم انزال مركز التحميل اسفل المنتدى

اختي غصن

عتقيني ما عرفتش علاش مبقيتش قادة ندير كولي بالمنتدى واش من عندي و لا وقع شي حاجة فالمنتدى

لا لا ماشي من عندي عاد جربت منتدى اخر

عتقي اختك راني خدامة بغير بكوبي كولي

بلقيس راه المشكيل من عندك هنا خدامة بكوبي كولي

بلقيس كتب:

اختي غصن

عتقيني ما عرفتش علاش مبقيتش قادة ندير كولي بالمنتدى واش من عندي و لا وقع شي حاجة فالمنتدى

لا لا ماشي من عندي عاد جربت منتدى اخر

عتقي اختك راني خدامة بغير بكوبي كولي

اختي غيري المتصفح

و جربي

بلقيس كتب:

النجدة ساعدونيييييييييييييييييييييييييييييييييييييييييييييييييييييييييييييييييييييييييي

اختي

واش كاين عندك شي حد بالمغرب

يرسل ليك

حروف بالعربية كنوضعوها على الكلافيي

و من بعد كنردو لاب طوب او الكومبيوتر بالعربية مؤقتة او دائمة

و هكذا الحروف كتسهل لينا الطريق

و ما قنبقاوش نستعملو الكلافيي اراب لوحة المفاتيح العربية

كنبقاو نخدمو مباشرة فالمنتدى لا نسخ و لا لصق

الغزالات صباح الخير كيف صبحتو
لطيفة يسول فيك الخير الزين كيف دايرين الأميرات ياك لاباس عليهم حتى أنا جنتو ديما في البال غير الظروف وصافي بغيتي غير الفطور نرسلو لأختي حتال النرويج هههههه
التطوانية يسول فيك الخير يابنت الخير والله العظيم راه كيغيبني غير الشديد القوي
وفينكم النعاسات كانت عندكم السهرة البارح ههههههه

اختي ماعرفت اش وقع كنت كنقدر نلصق فgوgل وحتى فاكسبلور ولكن فالكمبيوتر مابقيتش قادرة ندير لصق وهادشي غير فالمنتدى هنا ...اما لابتوت فيالله وليت نقدر ندير لصق فاكسبلور ....ولكن ولدي الله يرضي عليه وراني كيفاش ندير لصق من الكلافيي ماشي بالفارة....وقضية اني نلصق حروف بالعربية واش لابد خاص ندير برنامج فلابتوب اولا نيشان ..واش نقدرو نخدمو بيه بلغات اخرين واخا فيه العربية حينت باوي كندابز عليه انا واولادي هههههه

اهلاااا بالزين توحشناك والله وخليتي بلاصتك قدها قداش ..فين غيوبك الزين

بلقيس كتب:

اختي ماعرفت اش وقع كنت كنقدر نلصق فgوgل وحتى فاكسبلور ولكن فالكمبيوتر مابقيتش قادرة ندير لصق وهادشي غير فالمنتدى هنا ...اما لابتوت فيالله وليت نقدر ندير لصق فاكسبلور ....ولكن ولدي الله يرضي عليه وراني كيفاش ندير لصق من الكلافيي ماشي بالفارة....وقضية اني نلصق حروف بالعربية واش لابد خاص ندير برنامج فلابتوب اولا نيشان ..واش نقدرو نخدمو بيه بلغات اخرين واخا فيه العربية حينت باوي كندابز عليه انا واولادي هههههه

الحمد لله على السلامة

يمكن البارح راني درت شي حاجة بالمنتدى

كنت قرات شحال هادي بان الاخت الهام كيضروها عينيها فهاد المنتدى

و حاولت نشوف لعلني ندير شي حاجة باش تحسن الوضعية

و الظاهر انني دزت فشي حاجة

و لكن ماش ندرس المشكل هاد النهار

بالنسبة منين يوقع بحال هاد المشكل و لي فالحقيقة خاصو يكون بالمنتدى باش حتى واحد ما يسرق المواضيع ديالكوم

و لكن بما ان الاغلبية ديالكون كتستعمل لوحة المفاتيح كنت زولت هاد الخاصية

و الان بما ان المشكل قائم عوض الماوس استعملن هذه

Ctrl + V اكتبوا الموضوع و ضللوه و بركو عليهوم بزوج و الكتابة تمشي مباشرة بالموضوع

نرجعوا للحديت ديالنا للحروف العربية

نعم كنشريو هاد الحروف و كا لصقوها بالكلافيي ديال لابطوب

و لا بطوب كتزيدي لو اللغة العربية بكل سهولة

و من بعد انت كتحكمي فية

واش يكتب باللغة العربية او الفرنسية او لغة اخرى

انا ايضا عندي نفس المشكل

منين نكون عيانا و ندخل لغرفتي ما نقدرش نكتب بالعربية من لابطوب و هاد المرة وصيت راجلي يشريها لي من المغرب و منين يجيبها ندير ليكوم تصويرة

اما عن الكيفية ديال اضافة اللغة العربية بالكومبيوتر دابا نحطهالكوم ان شاء الله

سلام عليكم البنات توحشتكم ههههه


شكراً على سؤال راح غير مع البرد ههههه إو فنكم ألا ليوم لحد ما كين حد هههههه هاني نقرا في العقوبة

بارك الله فيك اختي اه ديك الطريقة ديال ctrl+v اللي وراني ولدي هي اللي كندير دبا ...وديك الطريقة اللي قلتي حتى هي مزيانة باش حد مايقدر ياخد المواضيع ولا الصور من هنا

غصن شكراً على المجهودات إلي كدري بش نلقاو راحتنا الله اجعل كلشي في ميزان حسناتك

شكرا لبنات لي كيسولو فيا لهلا يحرمني منكم الغزالات ربي يحفظكم