مشاعر ترحب بكم

تذكير بمساهمة فاتح الموضوع :

المتشردات هاني كريت لكم عند أخت غصن الزيتون
هنا غنلقو راحتنا حيت باقي الشلة بقى فيهم الحال حيت ناس الحومة لخرى
كيتشفو فينا ههههههه إو قلنا نجيو عند غصن الزيتون هي منا مغديش تشفى راح نسيت
نهار لول كان علينا نجيو لهنا بلا فضايح ههههههه المهم مرحبا بكم نشطو هنا
حتى احن الله أهدي دارنا التانية

فاطمة الزهراء على سلامتك
ان شاء الله غدا ولا بعدو نكلمك
مسكين نصرو حيت باقي صغير اوا غير بالسياسة
باش ايكون عزيز عليه خوه

ام مريم فين غبرتي علينا
حتى حنا توحشناك
كبقيتي شوية
كتسناي العطلة غادي تمشي لاكادير

السلام عليكم حبوباتي لاباس عليكوم ...سمحو لي هاد اليامات كنت مريضة ووليت غير كنعدي وماكنقدر باقي نكلس بزاف على الكرسي والى كنطل عليكوم غير من لابتوب ولكن ماكنقدر نكتب حينت كنكون ناعسة وحاطاه حدايا ...نهار السبت كنت معروضة عند مرات لوسي ومشيت زعما بكري باش نعاونها بقات فيا حينت مريضة وقلت واخا غير نعاونها فسلاطة حينت دايرة ديك الكبيرة ايوا مشيت عندها فالصباح وعاونتها الحمد لله وطولت فالكلسة وماتمديت حينت كاينين حتى رجال وهي عندها الصالونات مفتوحين على بعضهوم ايوا ماجينا حتى لتمانية ونص دالعشية صافي هلكني لوجع مابقيت قادا نوقف ولانكلس الله يغفر الدنوب ..ايوا الله ييسر مابقا اما باش ما كيكبر الحمل وكيزيد يصعاب اللهم لك الحمد

الحمد لله على سلامة اختنا سيهام واختنا فاطمة الزهراء ربي يفرحهوم بوليداتهوم ويجعلهوم من الصالحين يارب ...فراشة لاباس عليك الزين والحمل لاباس واش قولي شحال من شهر دبا ..سكينة لاباس عليك اختي الله يفكك بخير وعلى خير

أهلا بلقيس اش خبارك والله إلى طحتي في بالي وكنت غنسول عليك فاضمة ساعة دخلتي الله يخفف عليك ويكمل ماتبقى من الحمل بخير إن شاء الله ...............وش جبتي لينا التبركيك من العراضة راح موصياك زعما هههههههه

حبيبة لاباس عليك
راه عاذرنك اختي
المهم تكوني بخير
والله اسمح لينا من الولدين

يسول عليك الخير والرباح الزين ...بغيتي التبركيكة هههههه البلوة ياك ايوا ياللا سبقات بشلاضة الكبيرة ديال الخضرة ومن بعد اللحم والفواكه وعاد اتاي ودوازو تم القهوة والكيكات وماجاورهم واش برد عليك راسك دبا هههههه راني باقي خاصني نكمل موضوع العراضة غير نكون شوية ونكملو ان شاء الله وحتى نتوما عافاكوم اللي عندها شي فكرة تكتبها فالموضوع باش يكون تري ومتكامل ويبقى لينا صدقة جارية ان شاء الله ...وواخا يكونوتصيورات من كوكل المهم نتعلمو مع بعضنا التاويل ..عرفتو انا بعدا راني تفقصت واحد الفقصة ماعرفت لقيت تصاوري فالبيسي كامل ممسوحين يمكن بنتي صغيرة قاست شي حاجة ومسحاتهوم كامل وراجلي دار واحد البروكرام رجع شي وحدين ولكن اكترية ماقدرناش نردوهوم وفيهوم صور ولادي والعرس ديال خوتي ايوا الله يصاوب وخلاص

ربي يخليك اختي فاطمة وعقبالك الزين الله يفرحك فالقريب العاجل

تصبحو على خير الحبيبات ديالي ..وعافاكوم دعيو معايا الله ييسر مابقا من حملي الله يفرح كل وحدة باللي فخاطرها ياربي

بلقيس كتب:

ربي يخليك اختي فاطمة وعقبالك الزين الله يفرحك فالقريب العاجل

اللهم امين اختي
الله اخفف عليك
وبحول الله تدوز الاشهر لي باقي على خير
وان شاء الله اعطيك شي ولادة ساهلة
ودرو ليك سبوع مظخم

بلقيس كتب:

تصبحو على خير الحبيبات ديالي ..وعافاكوم دعيو معايا الله ييسر مابقا من حملي الله يفرح كل وحدة باللي فخاطرها ياربي

اللهم يسر و لا تعسر

اللهم يسر و لا تعسر

اللهم يسر و لا تعسر

فاضمة عاد جتي
واش جبتي معاك شي عشاء
انا راه غادي نمشي
نوبت مسيو هههههههه

شكرا لك تبلقيست صافي برد علي راسي ههههههه هكداك نبغيك دائما جبي لينا التبركيك باش نستافدو وحتى تولي شوية وكملي الموضوع ديالك راه مهم بزاف والكل لازم يشارك فيه

سلام عليكم
حبيبة الله أكمل عليك غير صبري إن شاء الله كولشي أدوز بخير


فاطمة صافي أمشتي راح أنا بحرا أمشى راجلي لخدمة اجيت كنجري هههههه مدمنة الله أعفو هههههه


أم جيجي لبس عليك إو حتى نتي اليتي تتغبري هههههه فن كتمشي يالله gri هههههه

warzaziya كتب:

البنات راح الماسة ولدت نهار الربعاء هههههه أمجبناش لخبار هههههه راح درت تحريات ههههه أخدمات المخبارات ههههه


إو ألف مبروك عليها

الف الف الف مبروك

السلام عليكم
ام جيجي لاباس عليك
كاين شي غدا ولا تغديتو
سري صوتي فموضوع كرسي الاعتراف

وعليكم السلام تطونية كيف صبحتي

مازال الحبيبة ماتغديت حنا راه ما كنتغداو حتى ل 4 أو 4 ونص لان عندنا توقيت مستمر على طول العام من

ونتي وجدتي شي طويجين أو مازال ههههه

om jiji كتب:

وعليكم السلام تطونية كيف صبحتي

مازال الحبيبة ماتغديت حنا راه ما كنتغداو حتى ل 4 أو 4 ونص لان عندنا توقيت مستمر على طول العام من

ونتي وجدتي شي طويجين أو مازال ههههه

ههههههه الغدا مجود
كنتسنى غير مسيو ايجي
فاتي غبرات
شحال هادي مطلات علينا
نتمنى تكون بخير

بصحتك الزين

فاتي وقيلة شي بوركابي هدا مغبرها علينا ههههههه ما مولفاش ليها

وحتى فاضمة ولات كتغبر بزاف ومن بعد تقول لي أنا لي كنغبر هههههه

سلام عليكم


أم جيجي
أنا كنغبر ديمة دخلة وش مكنبنش لك ههههههه أنا ليوم مريضة معرفتش جاني داك
لوجع دسهال حشكوم ولكن كرشي عادية كليت البرقوق داك صفر كليت أحدى قبل منعس
هي إلي شكيت فيها الله أعلم الله اشفينا


هي حطيتو علي في الكرسي هههههه يالله غير عندكم تحطني أتنسوني ههههههه


اه فتي غبرات أمكن جا بوركبي

أم جيجي هانتي كندخل مكنلقى حد

مساء الخير فراشاتي

سول عليكم لخير حبوباتي

سمحولي مبقيتش كندخل بزاف عنيا كيضروني ومبقى عندي خاطر لحتى حاجة

بلقيس الله يكمل ليك بالخير الزين مبقى من حملك الله يرزق ليك ولادة ساهلة انا الزين وقيلا دبا فالشهر الرابع فالعطلة ان شاء الله غنسافر كما قالت فاطمة باش ندوز ونعرف بالتحقيق شحال عندي

فراشة أهلين أزين لبس عليك البنات إو غبور هدو هي غير أفرصاد ههههههه الله أكمل عليك حتى نت أتجب لينا سي أحمد إن شاء الله

سلام عليكم البنات
اش خباركم
الله ابارك فيكم كاملين او الله اعطي لكل وحده كل ما تمنات يا رب

مساء الأنوار

اش خباركم كلشي في أمان الله

مشاعر مايكون عندك باس الزين الله يجيب الشفاء العاجل إلى كان غير وجع سفي الكامون راح مزيان

فراشة الله يكمل عليك بالخير ويرزقك ربي شي عزري إن شاء الله ...........واش مازال مافاتك الوحم رجعتي كتغبري بزاف هانت عليك العشرة ههههه

أم نصرو وطه ألف مبروك لك سي طه يتربى في عزكم والله يجعلو زيادة في الاسلام ...........شفتي يالالماسة الولادة د الغربة كتجيب الضيم سبحان الله كون كونتي في المغرب وحدى ميمتك متخلي ماتوجد ليك والناس كتبقى داخلة خارجة ومونسة معاهم وهنا في الغربة كنولدو فحال القطة في نهارنا كتلقنا في الكوزينة ومكاين لي يطل عليك الله يصاوب وخلاص ويحن علينا من هاد الغربة

الألماسة والله حتى كتبت ليك هنا قبل ما نشوف اش كتبتي في السابع لي عملنا لكم لان هاد شي مجرباه وحاسة بيك الناس في المغرب كيولدو كتعطاهم قيمة كبيرة وكيتهلاو فيهم وحنا هنا فحال إلى ما والدين حتى أنا كان كيطيح علي الضيم وكندوز النفاس ديالي غير في البكاء

أنا كون كنت في بلاصتك غير نكمل شهر ونزل للمغرب استغلي الفرصة محد نصرو مازال مبدا في المدرسة راه غير يبدا غتقيدي بزاف سوليني أنا دبا شحل من مناسبة كنبغي ننزل للمغرب ولكن الله غالب ما نقدرش على ود الدراسة د بناتي

فاضمة مكاين الزين غير افرصاد هههههههههههههههه

اميييين الزين وان شاء الله حتى انتي وفاطمة وام جيجي تخشاو تحت افرصا د

ام جيجي والله الزين مهانت عليا العشرة غير مع الوقت اوصافي

لبنات عندي هاد المنتدى تقيل بزاف مكتفتح ليا صفحة حتى نتفقس واش حتى انتوما

فراشة كتب:

فاضمة مكاين الزين غير افرصاد هههههههههههههههه

اميييين الزين وان شاء الله حتى انتي وفاطمة وام جيجي تخشاو تحت افرصا د

ام جيجي والله الزين مهانت عليا العشرة غير مع الوقت اوصافي

لبنات عندي هاد المنتدى تقيل بزاف مكتفتح ليا صفحة حتى نتفقس واش حتى انتوما

كلا يا اختي

بالنسبة لي المنتدى خفيف بزاف ما عندي فيه حتى مشكل

حاولي تبدلي المتصفح

يعني تبدلي انترنيت اكسبلورير بالفيريفوكس

شكرا ليك اختي غصن ان شاء الله نبدل المتصفح