مشاعر ترحب بكم

تذكير بمساهمة فاتح الموضوع :

المتشردات هاني كريت لكم عند أخت غصن الزيتون
هنا غنلقو راحتنا حيت باقي الشلة بقى فيهم الحال حيت ناس الحومة لخرى
كيتشفو فينا ههههههه إو قلنا نجيو عند غصن الزيتون هي منا مغديش تشفى راح نسيت
نهار لول كان علينا نجيو لهنا بلا فضايح ههههههه المهم مرحبا بكم نشطو هنا
حتى احن الله أهدي دارنا التانية

titouaniya كتب:

عليكم السلام بلقيس وسيهام
لاباس عليكم
سيهام غبور هادو اش كتعاودي

عليكم السلام أ زين ربي يخليك غير مع الدنيا

و زيد مازال ماولفت هاد المنتدى شوية ب شوية

فاضمة صافي عييتي ..لطيفة لاباس الزين اليوم دوزت نهاري فتخمال بيتي الحمد لله بعدا عاوني راجلي اما راه بوحدي والوووو ...سهام الله يبارك فيك الزين وعقبالك اه قريتها ربي يخليك ..فين كتغبري علينا

sima كتب:

أم جيجي مايكون عندك باس أختي الله يشفيك

تطوانيا و فاتي أش خبركم كاين شي برد

بلقيس مبروك عليك توأم و الله يعطيك وقفت سهلا كنت باركتليك ف دار لووخرا ماعرفت واش قريتها قبل الهجوم ههههه

لاباس اختي ربي اخليك
البرد كاين
كل نهار كيزيد
مبقى غير اطيح الثلخ
اوا الله ارحمنا

البنات هاني مشيت
الله اصبحكم على خير
الاخت حب الملوك مرحبا بيك في هاد المنتدى العزيز

ام الشهيد مروان كتب:

لالة سيما..
احنا بعدا ولفناك وخا مزالا مولفتينا ..وراه مكانتك ترسخات بالقلب .....

حتى أنا الحبيبة ولفتكوم و ربي شاهد نهار مانعرفش اخباركم بحال ناقصني شي حاجة عندي مشكلة غير مع المنتدى سيستم جديد عليا و كل مرة كاتتخرجلي صفحة كاتبلوكيلي

كلشي

بلقيس كتب:

فاضمة صافي عييتي ..لطيفة لاباس الزين اليوم دوزت نهاري فتخمال بيتي الحمد لله بعدا عاوني راجلي اما راه بوحدي والوووو ...سهام الله يبارك فيك الزين وعقبالك اه قريتها ربي يخليك ..فين كتغبري علينا

غير مع الدنيا الحبيبة دابا نيت راني يد معاكم و يد فلكوزينا كاينين صحاب راجلي

faty2011 كتب:

وعليكم السلام أختي سهام لباس عليك اش خبارك كولشي بخير والكتكوت لباس عليه

فين هاد الغبرة

يسول فيك الخير أ زين نتي كيف دايرة

و تبارك الله عليك و على شهوتك راني متبعة بنات حومتي هههه

صباح الخير والرباح على الناس الملاح لاباس عليكوم ....سيهام راه كاع كنا هاكاك ولكن شوية بشوية غادي تولفي ..انا لحد الاآن كيجيني المنتدى تقيل وكيخص نتسنى بزاف باش نصيفط الردود ولكن من اكل البقا مع الحباب كلشي يهون ياكووو ....فاضمة درتي الصولد اولا مازال هههههه لطيفة واش حتى نتوما كيكون عندكوم الصولد فهاد الفترة ولكن راه الى جينا نشوفو الصولد مابقاش كيف الاول دبا الازمة مخسرة كلشي ....انا دبا غادية لماكرو نشوف الى لقيت شي بيجامات اولا حتى الاواني دوك البيضين كيعجبوني كيجيبوهوم تماك بزاف ....اولا غير ندور ونتنزه واخا مافيا مايدور ولكن الدار ولات كتقنطني بزاف حينت ماقادا على شغلها هههههه اللهم نهرب ياكوووو يالله تهلاو حتى لليل الى كتاب مااااااح عليكوم الفنات

اخواتي

انا المشكيل ديال الثقالة بالمنتدى ماعنديش

اول ما كنضغط على الزر كيطير طيران

يعني هذ المشكل ما عنديش ابدا بالعكس انا مقلقة من الخفة ديالو

راه حتى الانترنيت كيلعب دور يعني الموديم و كل وحدة فينا عندها استضافة

و يلا كنتوا جربتيو على هذ المنتدى و منتدى اخر هذك حاجة اخرى

اما من ناحية الجمال او الخصائص فهذا اكيد لان كل منتدى و التنظيم ديالو اضف الى ان منتدى بستان الزيتون منتدى مجاني و ناقصينو بزاف ديال الخاصيات

و لو انني راني معمراه مسكين بالاكواد و الخصائص لي مموجوداش بالمنتديات المجانية

هو تقريبا كيشبه للمنتديات في بي 80 بالمائة

لهذا خاصكوم تفرقوا ما بين المنتديات المجانية و المنتديات في بي

بهذ المنتدى بزاف ديال الخصائص الموجودة فيه و لي كتواجد الا بالمنتديات في بي

لهذا اخواتي قبلوا على لي حاضر

و ما يمكنش لي ندير شي خصائص لي هي غير متوفرة بادارة الاستظافة الا القليل و بالاستعانة بالخبراء

مرحبا بيكوم كولكوم و قبلو على الموجود

سلام عليكم كصبحتو لبس


حبيبة أنا باقي أختي راجلي خسرت ليه سيارة ماكين إلي ادني هههههه إو إلي شريتها جيبها نشوفو هههههه


سهام لبس عليك الله ابارك فيك


حتى أنا عندي المنتدى عادي أنا خدامة ب firefox


باقي الحلوات نهاركم مبروك


مرحبا بيك حب لملوك جيبي لينا شوية هههههه راح غالي ههههه

أش خباركم البنات وكيف صبحتو

حبيبة أنا معنديش المنتدى تقيل الحمد لله بالحق لما كنرسل رد كتخرج لي صفحة أخرى وخصني في كل مرة نقلب على الصفحة لي كنت فيها

ومكرهتش المتواجدين يكونو باينين لتحت في الصفحة أو الموضوع لي كنكونو داخلين ليه باش نعرفو شكون حاضر لان هكدا كنتونسو أكثر لما كتكون الأسماء لتحت



وبالنسبة لصولد حتى حنا عندنا الخير موجود ولكن ماشي كل بضاعة معروضة لصولد زوينة إلا القليل وكيبقى المليح بتمانو وحتى إلا عملو 50 في المائة كيبقى غالي بزاف ومرة مرة كنزل نشوف إلا لقيت شي حاجة مناسبة كنشريها ،،،،،،،،،،،،،،،،،،،،حبيبة كتعملي فحالي في الويكاند كنعرف أن الدار ما غتجمعش يالله كنجمع الفراش ونخرج نسلت ههههه مكنجي حتى لعشية هههههههه


البنات لي شرات شي حاجة من الصولد تصورها وتنزلها باش نستافدو وحتى البنات لي في المغرب راه الصولد موجود وعد دبى وعاريتو ولى عندكم موركو مول

om jiji كتب:

أش خباركم البنات وكيف صبحتو

حبيبة أنا معنديش المنتدى تقيل الحمد لله بالحق لما كنرسل رد كتخرج لي صفحة أخرى وخصني في كل مرة نقلب على الصفحة لي كنت فيها

ومكرهتش المتواجدين يكونو باينين لتحت في الصفحة أو الموضوع لي كنكونو داخلين ليه باش نعرفو شكون حاضر لان هكدا كنتونسو أكثر لما كتكون الأسماء لتحت



وبالنسبة لصولد حتى حنا عندنا الخير موجود ولكن ماشي كل بضاعة معروضة لصولد زوينة إلا القليل وكيبقى المليح بتمانو وحتى إلا عملو 50 في المائة كيبقى غالي بزاف ومرة مرة كنزل نشوف إلا لقيت شي حاجة مناسبة كنشريها ،،،،،،،،،،،،،،،،،،،،حبيبة كتعملي فحالي في الويكاند كنعرف أن الدار ما غتجمعش يالله كنجمع الفراش ونخرج نسلت ههههه مكنجي حتى لعشية هههههههه


البنات لي شرات شي حاجة من الصولد تصورها وتنزلها باش نستافدو وحتى البنات لي في المغرب راه الصولد موجود وعد دبى وعاريتو ولى عندكم موركو مول

السلام عليكم ام جيجي اش هاد الغبور اوة الحمد لله لقيتك بعدة اما كنتو غابرين قولو جيتو تخبيتو فهاد المنتدى وانا جالسة نقلب عليكوم هههههههههههه اش راك تعاودي الفنون ؟

اخواتي

نصيحة

كل وحدة فيكوم عندها موشكيل بالمنتدى تغير المتصفح

يعني لي عندها انترنيت اكسبلورير تبدلو بمتصفح اخر او العكس او بمتصفح اخر

و تشوف واش المشكل مشى او لا

اما المتواجدون تحت المواضيع حاليا لا يمكن

لان هذه الخاصية غير موجودة و ان شاء الله سوف اعمل على هذا الى ان القى هذه الخاصية و اضعها رهن اشارتكن

faty2011 كتب:

أختي غصن سلام عليكم اش خبارك لباس عليك

أولا شكرا لك والله يجازيك بخير على هاد المجهودات لي كتقومي بها

بغيت نسولك أنا مخدامش عند مركز التحميل وش من عندي أو لا

اختي

فيما يبدو انه لم يعد يعمل

انا استعمل

مساء الأنور

أختي غصن الزيتون شكرا بزاف على المجهودات لي كتقومي بها للرقي بهاد المنتدى الجميل والمحترم الله يجعلها لك في الميزان المقبول وسمحي لينا صدعناك أختي

فاتي اش خبارك الزين وكيف عاملين مع شي برد وش نزلت شتا أو مازال

حنا راه الثلج هاد العام قليل بزاف نزل غير شوية ومن بعد صبات شتاء ودوباتو كاين غير البرد بزاف

حب الملوك مرحبا بيك معنا قو لي واش نتي لي كنتي معنا في أجي نتوانسو ومن أكادير وعندك ولد اسمو نور ألدين جاوبيني راه ضرني راسي بزاف ههههه باش نعرف ناخد وندي معك في الكلام إلى كنتي نتي راه غوايبك طالت بزاف وكنت دائما كنبغي نسول عليك بنت أدم ولكن كنسى المهم راك دائما في البال

اختي ام جيجي

انا رهن اشارتكن و لا شكر على واجب

راه اي حاجة كانت ممكنة ضمن تقنيات المنتدى نصاوبها بكل فرح

كيبقى المشكل يلا كان ماشي ممكن ضمن تقنيات المنتدى هنا كيبقاو يدي مكبلين ما كنصيب ما ندير

نتمنى تلقاو راحتكوم

انا وليت للايام الدراسة كندرس كل جديد للمنتديات و كا نحاول نطبق البعض منها و الله المسهل

ما كاين صداع اي مشكل طرحوه و انا نحاول نصلحو قدر الامكان

و المنتدى باهله لي هم العضوات

و يدا بيد نبني مستقلا المنتدى

السلام عليكم أخواتي

أختي غصن شكرا على إهتمامك و على المجهودات لي تقومي بها من أجل الرقي بالمنتدى جعله الله في ميزان حسناتك

بلقيس بالصحة لمسارية بالنسبة للسولد مابانلي ولو غير تخربيق أصلا بلجيكا ماعندهاش شي سولد كايعجبني سولد ديال فرنسا كاين9سو حتى ل80% و حويجات كايستاهلو أما هنا حاجة زوينة كطبقة ف تمنها كيف قالت أم جيجي



مشاعر

و فاتي كاين شي تطبيق ليوم ولا ناشفة هههه

حب الملوك مرحبا بيك

شوفو باش نخففوا على هاذ الركن

راني افتحت موضوع صولد صولد

هاكذا نقدروا نصيبوا الاشياء بسهولة

يلاه برعونا