السلام عليكم
اليوم جبت ليكم هاد الكيش لي نقلتو من كتاب رشيدة امهاوش للكيش
جا غزال مخلينا فيه والو ههههه ندوزو للمقادير:
الحشوة: بصلة كبيرة مشلضة ومشحرة فجوج معالق دالزيت مع ملح وابزار+150 غ من الطون مصبر ( انا درت واحد حك لوكوس)
+ 100 غ من حبات الذرة المصبرة +معلقة كبيرة معدنوس مقطع+ شوية حامض مصير مقطع +4بيضات+
4ملاعق كبار قشدة طرية + 3 معالق كبار حليب
مقادير العجين: 250 غ دقيق+ نصف ملعقة صغيرة ملح+ نصف ملعقة صغيرة سكر+125 غ زبدة بحرارة المطبخ+ بيضة كاملة
في قصرية نخلطو الدقيق مع السكر والملح ونضيفو عليه الزبدة لي قطعناها قطع صغيرة ونخلطو حتى يترمل العجين ونخليوه يرتاح 5 دقائق
من بعد نزيدو عليه البيضة ونخلطوه مزيان ثم نحطوه فوق طاولة ولا فوق لبوطاجي ههههه وندلكوه شويا
بيدينا باش تدخل ديك الزبدة فالعجين مزيان راه وخا يبان ليكم فالاول مبغاش يتجمع غير ندلكوه شوية
غيتجمع
نطلقو العجين بالمدلك ونحطوه فالمول وتقبوه بالفرشيطة وندردرو فوقو البصلة المشحرة ونزيدو
الطون لي صفينا من الزيت ديالو بشكل متواز تم الذرة والمعدنوس تم الحامض مصير
في زلافة نخلطو كل من الحليب والقشدة الطرية والبيض مزيان
بفرشيطة + مح ابزار ونكبوه فوق الكيش وندخلوه للفران يطيب وبالصحة والراحة
هاهو بقي فالفرن
[ندعوك للتسجيل في المنتدى أو التعريف بنفسك لمعاينة هذه الصورة]منين خرج
[ندعوك للتسجيل في المنتدى أو التعريف بنفسك لمعاينة هذه الصورة]
