دجاج بشرموله ديال لحوت في الفرن بالصور من مطبخي

اولا كنشرمل دجاج بالشرمولا ديال لحوت را كلشي كيعرفها : زيت زيتون ، لملح ، ابزار ، سكينجبير ، كامون ، تحميرا ، لحامض انا دتر لحامض لمصير ، ربيع ، ثومه



[ندعوك للتسجيل في المنتدى أو التعريف بنفسك لمعاينة هذه الصورة]



خديت طاوه كتدخل للفرن ، ستفت فيها بصله مقطعا دواور + لبطاطا كدلك دواور + لفلفلا دواور ( الى لاحظتو لفلفلا مجمده ، ملي كتكون عندي كميه ديال فلفا كنقطعها دواور او ندير كل فلفلا في ميكه او نديرها في المجمد او كتبقا مده طويلا ، كنستعملها في طواجن ديال لحوت او في لرفان ، او الى بغيت ندير شي حاجه فيها لفلفا مقطعه مربعات ما عليا غير نجبدها او نكسرها بإيدي ههههههه)



[ندعوك للتسجيل في المنتدى أو التعريف بنفسك لمعاينة هذه الصورة]



من بعد حطيت دجاج او قطعت مطيشه دواور او ستفتها في جناب او درت قطع زبده فوق دجاج او زدت كاس ديال لما في شرمولا لي بقات في طبسيل او كبيتها فوق لخضر من بعد غطيت كلشي بالبابيي كويسون من بعد بابيي اليمينيوم او دخلتو للفرن تقريبا ساعه الى ساعه و نصف ، كيجي بنين مممممممممممممم هههههه



[ندعوك للتسجيل في المنتدى أو التعريف بنفسك لمعاينة هذه الصورة]



هاهو ملي تيطيب نتمنى اعجبكم



[ندعوك للتسجيل في المنتدى أو التعريف بنفسك لمعاينة هذه الصورة]



لا تنسوني من صالح دعائكم بتيسير الامور

ممممممممممممممممممممممممممم تبارك الله عليك باين لديد احلى تقيم ليك الزين

والله ييسر امورك

تبرك الله عليك الله أيسر لك الأمور

تبارك الله عليك حتى أنا هكذاك كنعملو وكيجي لذيد الله يعطيك الصحة ويسر أمورك

عندي ليك سوال بخصوص الفلفل مجمد واش ما كتدبالش ملي كطيب معرفتش كيفاش نشرح ليك يعني واش كتبقى في الطيبة ديالها وواقفة

أنا سمعت طريقة أخرى لتجميد الفلفل أنك تقبيها وترمي بالداخل ديالها الملح وعاد تجمديها بالحق ما عمري جربتها واش هادي هي الطريقة لي جربتي أو قطعتيها دوائر عاد جمدتيها وسميلي إلى صدعتك راه هاد الفلفل لي ماعمري جمدت وغالية عندنا كتعمل 40 حتى 50 درهم لكيلو شفتي علاش صدعتك هههههه

تبارك الله على فاطمة الزهراء
مممممممممم شهي
الله ايسر امورك يارب

لبنات ربي اخليكم ليا

ام جيجي لا اختي ما كاين حتى صداع ، راني عارفا ثمنها داكشي علاش قلت اني كنجمدها

انا ما كندير ليها والو ، غير كنغسلها او نمسحها او نقطعها دوائر او نفرقها في لميكات ملي كنحتاجها تنجبدها او كنرميها مباشره بلا ما نديكونجليها او بلا ما نغسلها ، او ملي كطيب كتبقا زوينه ما كتدبالش ،كتجي زوينه في طواجن او لفران ، او خالتي قالت ليا كتشويها او تقشرها او تخليها بالزريعه ديالها عاد كتجمدها ،

انا هادي لي درت را ديال لمغرب كان جابها راجلي بزاف او خفتها تخسر ليا او حنا عندنا غاليا بزاف اوا درت ليها هكا هههههههههه

آمين اختي فاطمه ربي اخليك ليا او الله ايسر ليك حتى نتي

خاصنا نديرو شي موضوع على تجميد الخضر او لفواكه ، لان حنا عندنا لخضرا غاليا بزاف او الى رخاصت تنبغيو نستغلو لفرصه ولكن بعد المرات ماكنعرفوش كي نديرو لبعض الخضر

شكرا ليك الزين صافي حتى أنا غنبدى نقطعها دوائر ونجمدها راه قرهتنا بالغلا الله يسر أمورك

مممممممممهادشي معتبر ان شاء الله نجرب هاد الطريقة
تبارك الله عليك

بسم الله ماشاء الله تبارك الله عليك أبنت عمي هاد شي كيشهي الله يعطيك الصحة
والله يسر أمرك وامر جميع المسلمين يارب أمين

تبارك الله على الحادكة ديالنا الله يسلم ليك ليديدات طبق رائع ومشهي ان شاء الله نجربو....احلى تقييم لاحلى عيون

ربي اخليكم ليا البنات ، او شكرا بزاف على الدعوات او تشجيعات او حتى التقييم ههههههه

شكرا على الوصفة

تبرك الله عليك