الموضوع كيف باين من العنوان فواكه معسلة كنت خديتها من عند واحد السيدة الله يدكرها بخير من منتدى تانى اسمها نرجس
عقلتو عليها محبة فاطمة الزهراء توحشتها صراحة ومعروفة ايضا بام جواد
جزاها الله كل خير استافدنا منها بزاف دلحوايج صراحة المهم
باسم الله نبداو
كمية من قشور البرتقال
انا جمعت كمية كنت
كنحطها في الفريزر حتى جمعت كمية كبيرة شوية
يتقطعو مربعات صغار
نخليوها في الماء
ونبقاو نبدلو الماء كل نهار فوقاش محليتى الثلاجة جبدهوم بدليهوم الماء وردهوم الصباح والعشية
لمدة اسبوع حتى متبقاشي فيه المرورة
نعملو الماء في طنجرة نعملو القشور ونخليوهوم يغليو مزيان ملى يبدا الماء في الغليان نخليوهوم 5دقايق
ونبدلو الماء ونبقاو نعملو هاد اللعبة او العملية اربع مرات ههههههههههه
باش تمشي المرورة نهائى
نخليكم مع الصور
[ندعوك للتسجيل في المنتدى أو التعريف بنفسك لمعاينة هذه الصورة]ناخدو شي كاس ونعمرو بيه القشور ونعبرو لكل كاس قشور كاس الاربع سكر
وملعقة كبيرة عصير الحامض ونفس الكاس عامر بالماء
ونعملو معاه قشور الحامض
نخليوهوم يغليو على نار مهيلة
حتى يتعسلو والماء اللى فيهوم يولى قليل
[ندعوك للتسجيل في المنتدى أو التعريف بنفسك لمعاينة هذه الصورة]نقسموهوم على 3 وكل جهة نعملو فيها ملون غدائى على حسب الدوق او على جوج على حسب
[ندعوك للتسجيل في المنتدى أو التعريف بنفسك لمعاينة هذه الصورة]نخليوهوم على نار مهيلة حتى يتعسلو مزيان
وينشفو شوية
ونعملوهوم في مصفاة باش يقطرو
ونعملوهوم في قرعة معقمة يبردو ونحطوهوم في الثلاجة
كايجيو رائعين صراحة كنعملهوم في كلشي في شنيك كرواصون بالملعقة وعلى فمى مباشرة ههههههههههههه
في اى حاجة هههههههههههه
دمتم في رعاية الرحمان
[ندعوك للتسجيل في المنتدى أو التعريف بنفسك لمعاينة هذه الصورة] 
