البنات ساعدووووووووووووني ولدي دار اضراب عن الطعام

السلام عليكن و رحمة الله تعالى و بركاته

اخواتي بغيتكم تساعدوني بواحد الموضوع اللي صراحة مخرج لي العقل

ولدي دار اضراب على الطعام صار جالس غير على الحليب و الفرماج الخضر كانت عزيزة عليه بكل انواعها ما بقاش يطرف بها و الشوربة كانت تنفعني فيه اي حاجة ما ياكلها نعملها بالشوربة حتى هي ما بقاش يطرف بها

الفواكه ما بقاش بغاهم لا هاكاك و لا عصير

نوعت له بالاكل و زوقت له اي طريقة تطيح لكم على بالكم درتها له ووالو

صراحة حيرني معه ما بقيت عرفت ما ندير معه

غير بشوية عليك احبيبة على اي مرة مرة راه تيعملو هاد الوقفة

اولا اشحال في عمر ولدك ؟؟؟؟؟

شكرا اختي عطاءعلى الرد ولدي شهر 4 يكمل 3 سنين

طيب عزيزتي ... كما سبق وقلت ليك راه مرة مرة تيعملو هاد الوقفة ... ولكن اهم شي ما تحسيسهمش انو نهاية العالم وباش ما حس بيك ضعافيتي قدامو صافي تيدير ما بغا

طبعا فيما يخصني وهاد الطيقة اللي تنعمل لاولادي ....خصوصا الوسطاني تيعدبني ... ولكن تعمل قلبي في الكونجيلاتور ....هههه

اولا واش تتعطيه بزاف ديال السقاطة ؟؟؟؟؟ حلويات ويوكورت ؟؟؟؟ الخ ؟؟؟؟

حيت احيانا تنقولو اوا مسكين ما كلا والو بلاتي نعطه غير شي يوغورت باش يعتق ....؟؟؟

اختي

انا ولذي عنذو 5 سنوات

ما بقاش ياكل بحال من قبل

الخضر والو ذانون والو

المهم جالس الا على الحليب و الفرماج

عييت معاه

و في الاخير منعت عليه الجلوس فالمطبخ

و حت كنجلسو فالمطبخ لانه عامل بحال الصالون فيه التلفزة

لهذا الابن كيتفرج فالرسوم

و انا منعت عليه كل ساعة ياكل لي بغا

اما ياكل معانا الوجبات الرئيسية اما ما كاينش التلفزة

و مسموح ليه من بعد يشرب الحليب و ياخد الفرماج لانه مهم جدا فهاد السن

و شاف حتي عيا و في الاخير بقا ياكل شوي من الاكل ديالنا

و لكن مازال البيدو ديال الحليب حداه و الباكية ديال الفرماج حداه

حاولي تقولي لو يلا ما كليتيش هذ ما نعطيكش هادي

و الله يجيب التسير معاه

عطاء كتب:

طيب عزيزتي ... كما سبق وقلت ليك راه مرة مرة تيعملو هاد الوقفة ... ولكن اهم شي ما تحسيسهمش انو نهاية العالم وباش ما حس بيك ضعافيتي قدامو صافي تيدير ما بغا

طبعا فيما يخصني وهاد الطيقة اللي تنعمل لاولادي ....خصوصا الوسطاني تيعدبني ... ولكن تعمل قلبي في الكونجيلاتور ....هههه

اولا واش تتعطيه بزاف ديال السقاطة ؟؟؟؟؟ حلويات ويوكورت ؟؟؟؟ الخ ؟؟؟؟

شكرا لك اختي على الرد عييت ما ندير قلبي بالكونجيلاتور و الو

مرات تندير براسي ما نفمهشي وما بغاش ياكل بلاش المشكل ما يسول بالماكلة حتى لو يظل النار كله

دابة تنوكله بزز بالصندالة بيدي هادي هي فتامين فاتح الشهية دياله ههههههه واخا تايبقى في و لكن على الاقل ياكل شي حاجة

اما على السقاتة ما يدوقهاش حتى دانون قليل فاش يقول لي بغيته تنجيبه يبقى بالثلاجة