السلام عليكم
هاد العلاقات كيكونو غالبا من البلاستيك الشفاف.فيهم أشكال وموديلات كتيرة. عاديين او فيهم ازهار او حيوانات او فواكه او......
الميزة ديالهم انهم كيلصقو بالفونتوز فقط على الزاج والمرايا والفايونس والرخام جد عمليين وعندهم استعمالات متعددة.
[ندعوك للتسجيل في المنتدى أو التعريف بنفسك لمعاينة هذه الصورة]فالحمام استعمليهم لتعليق فوطات الصغار.لاستيكات والبانضات او بعض لوازم الحمام كالكيس والشبكة والبوني و. .....عمليهم قراب للبانيو او الدوش.
فالكوزينة استعمليعم لتعليق السرابت والمنادل.ديكورات المطبخ لي كتكون من التوب او الكروشي بعض الادوات المطبخية الخفيفة من الخشب او البلاستيك سباتول مغرفة ........
وما تنسايش راه يمكن تلصقيهم حتى فالتلاجة.وتعلقي فيهم ديكورات او لائحة لتذكر شيء ما.
على المراية ديال الحمام او الكوافوز يمكن تعلقي فيهم حاملة القطن اوحاملة لفناتي..
[ندعوك للتسجيل في المنتدى أو التعريف بنفسك لمعاينة هذه الصورة]ومؤخرا اكتاشفت ليهم صدفة استعمال اخر جد عملي وهو رفع اسلاك الاجهزة الكهربائية لي كتبقى مدلية فالارض والصاقها فالخلف.بحال سلك التلاجة او الكونجيلاتور او مكينة الصابون........
.وما تنسايش تديهم معاك منين تكوني مسافرة وغتنزلي ففندق غينفعوك بزاف بزاف.
التمن ديالهم حسب الجودة ابتداءا من 3 دراهم .
النوعية الجيدة كتكون أغلى طبعا وعندها قوة كبيرةوفيها ديكور جميل.
.غتلقاوهم فالريكلام فياتو .فأسيما ومرجان وعند لي كيبيعو ادوات المطبخ.
نتمنى يفيدوكم كيف ما نفعوني بزاف وما بقيتش نستغنى عليهم.
[ندعوك للتسجيل في المنتدى أو التعريف بنفسك لمعاينة هذه الصورة]
