أشنو غادي نطيب اليوم

تبارك الله عليك فكرة غزالة تفيدنا جميع عني انا ماكنديرش برنامج كل نهار ورزقو

انا كدلك كولا نهار و رزقو لكن كولا نهار ندخلوا و نكتبوا اش درنا

كوثر كتب:

أشنو غادي نطيب اليوم


هادي فكره كنت قريتها في واحد المنتدى سنين هادي وكانت عجباتني بزاف


أشنو غادي نطيب اليوم



،سواء للغدا أو العشا


،هدا مشكل تتعاني منو مجموعة كبيرة ديال العيالات


،يعني تنوقعو فيه كاملين تقريبا بدون إستثناء وخصوصا العشا


واش غادي نلقاو الحل لهاد المشكلة؟



أجيو نتعاونو ونديرو اليد في اليد


وكل وحدة تدخل تقول لينا برنامج الأكل الأسبوعي أو الشهري ديالها علاش لا


،وبهكدا غادي نلقاو أفكار تساعدنا في تنظيم انفسنا وحتى حسن التدبير في الأكل باش ما يبقاش غير يتلاح


نتمنى الموضوع يلقى التفاعل منكم ويعجبكم


اشنو قلتو عجباتكم الفكرة ولا نرجع اللور

بارك الله فيك اختي كوثر



فكرة جد جيدة



يلا ما كانش عندنا برنامج نقدروا نساعدوا بعضنا و نكتبوا اش طيبنا اليوم او اش طيبت مثلا جارتنا



و ماشي ظروري الصور



و هكا غادي انستافدو

انا عجبني الموضوع بزاف
ان شاء الله نستافدو منو جميع
اليوم قليت الحوت مع سلاطة متنوعة
الله ادومها نعمة ويحفظها من الزوال

فكره زوينه غ تنفعنا
را حنا ديما تالفين ههههههههههه

انا ليوم درت مريقه ديال دجاج بالبطاطا او زيتون هههههههههههه

او لعشا كنفكر ندير لي بات او شي شربه خفيفه هههههههه باقا ما قررتش هههههههههه

تبارك الله على صاحبة الفكرة فعلا غزالة وغتنفعنى بزاف

حتى أنا ما عنديش برنامج كل نهار ورزقو ههههههه

أنا اليوم عملت مريقة بالبسباس وجلبانة مممممم لذيدة الله يدومها نعمة ويحفضها من الزوال

موضوع وفكرة جيدة كل وحدة تستافد من الأخري وتعطيها فكرة شغدي دير أنا اليوم صايمة الله يتقبل غدي جي ماما تتفطر معايا عملت صوبا وغدي نحط البيض ووالتمر ومسائل معجنات ححرشة .......؟ وغدي ندير لعشا بايلا وكفتة مشوية ومعقودة والفول بالشرمولة والدسير الله يدوم علينا النعمة

بصراحة عجبني تفاعل ديالكم مع فكرة ديالي واخا تعطلت عليكم راكم في البال اوا انا نبدا من ليوم درت طجين بدجاج و بطاطا و زيتون و لكوتي درت كيكا بيضة او لعشا تنفكر ندير شوربه شينوا

غدايا آليوم كان طاجين اللحم بالجلبان والبطاطا الكوتي حرشة وورغيفة وعشايا صوبا ديال الخضرة والروز مبخر والكفتة مشوية

السلام عليكم

غدايا اليوم كان الحوت في الفرن مع الفلفل والبطاطا ومطيشة والزيتون والحامض وسلطة

الكوتي عملت كيك بالتفاح

العشا حنا ما كنتعشاوش هههههههه غير فواكه وياغورت

اللهم أدمها نعمة وإحفظها من الزوال

الغداء طاجين لانشوبة مع سلاطة وخس وعصير فريز
كوتي كيكة بنسكافي ومسمن
العشاء فلان وفواكه

أنا اليوم ديرت سلاطة مع شوية ديال البيصارة ديال الجلبانة وصيكوك اي اللبن بسكسكو مع ديسير
واللهم أدمها نعمة
بالنسبة للعشاء حنا مكنتعشاوش غير كسكروط والله يخلف
اتاي ومعاه حرشة أو ملاوي ورغايف معمرين داكشي على حسب الموجود

غدايا اليوم دجاج محمر في الفران وخضر مفورة كوتي كنفكر ندير كيكة ديال الشكلاط العشا حتى انا غير شي حاجة خفيفة ولكن باقي مافكرت فيه يمكن ندير شربة دالكورجيت

غدايا آليوم اللوبيا آلبيضاء وسلاطة الروز وكوتي كيكة وكريب وعشايا صوبا وتمر ودسير الله يدوم علينا هذه النعمة

ام الشهيد مروان كتب:

ما شاء الله على الكتكوت الغزال والصلاة على النبي الحبيب عليه الله يحفظه وينجيه ويطول عمره امين يا رب

او ؟؟؟؟؟

و السؤال

اش كليتي اليوم؟؟؟؟

كيت نكتب ليكوم اش كليت اليوم و نسيت اش كليت



صبار نتفكر



صدقوني يلا طليت على الطبلة ديال الماكلة باش نتفكر



هد النهار ذرت الصطيكات بالبصلة و سيبوليط و الكريم فريش

و الشلاضة

و راجلي كيحب لحرور اطحنتلو مطيشة بالسودانية ديال الشينوة و عصير الليمون

اليوم طيبت طاجين ديال القمرون بمطيشة وشلاظة ديال البصلة ومطيشة والخيار والخص وشلاظة ديال الفريز مقطع وديسير

العشا درت

الروز ودرت فية جزرة واحدة مع شوية الابزار و سكين جبير و سيبوليط و ملح

و بالصحة و الراحة

السلام عليكم

غدايا اليوم كان الحوت في الفرن مع الفلفل والبطاطا ومطيشة والزيتون والحامض وسلطة
و في عشيه درت مسمن بالشحمه و لحرشه و لعشا وجدت كراتان و مكرهتش اخت غصن زيتون تقول لينا كيكدير لهادوك ستيك و لحرور

كوثر كتب:

السلام عليكم

غدايا اليوم كان الحوت في الفرن مع الفلفل والبطاطا ومطيشة والزيتون والحامض وسلطة
و في عشيه درت مسمن بالشحمه و لحرشه و لعشا وجدت كراتان و مكرهتش اخت غصن زيتون تقول لينا كيكدير لهادوك ستيك و لحرور

في المقلة كندير البصلة مشلضة و الثوم يتحمرو



ثم نضيف عليهوم الستيكات و نعمل عليهوم الملحة و شوي الابزار و سكين جبير



و في الاخير نضيف عليهوم لكريم فريش و نضفي العافية و نقطع السيبوليط عليهوم او معدنوس

اما مطيشة حارة كنديرها بوحدها بحال لصوص

ناخد مطيشة و ملح و زيت بلدية و قليل من عصير الليمون و السودانية ديال الشينوة او المزاود يعني الفلفلة الرقيقة الحارة و نطحنها في الخلاط الكهربائي و بالصحة و الراحة

غصن الزيتون كتب:

كوثر كتب:

السلام عليكم

غدايا اليوم كان الحوت في الفرن مع الفلفل والبطاطا ومطيشة والزيتون والحامض وسلطة
و في عشيه درت مسمن بالشحمه و لحرشه و لعشا وجدت كراتان و مكرهتش اخت غصن زيتون تقول لينا كيكدير لهادوك ستيك و لحرور

في المقلة كندير البصلة مشلضة و الثوم يتحمرو



ثم نضيف عليهوم الستيكات و نعمل عليهوم الملحة و شوي الابزار و سكين جبير



و في الاخير نضيف عليهوم لكريم فريش و نضفي العافية و نقطع السيبوليط عليهوم او معدنوس

اما مطيشة حارة كنديرها بوحدها بحال لصوص

ناخد مطيشة و ملح و زيت بلدية و قليل من عصير الليمون و السودانية ديال الشينوة او المزاود يعني الفلفلة الرقيقة الحارة و نطحنها في الخلاط الكهربائي و بالصحة و الراحة

تبارك الله عليك هادشي كيشهي ان شاء الله نجرب الستيك وحتى ديك المطيشة الحارة قولي واش ماكتطيبيهاش

لا مطيشة خضرة طرية

ما كطيبش

يعني فريش