اش ممكن نوضعو فى المجمد

انا لي غنبدا في هاذ الموضوع انا عندي مجمد ديال مجورة كل اش تندير فيه فيه 6
كنجمد لحم دجاج حوت و في خضر تندير جلبانه و فول و مطيشه و شفلور وفلفلة مشوية او مقلية و حامض ربيع مكرد خيزو مربعات سبانخ عاد زيدو بطبوط مسمن كرواصه بيتزا بريوات بسطيله حلوى كدلك و خميره و بنان و فريز ولافوكاو خوخ للعصير ماطيشة دالحك ليشومبينيون و بزاف شحال قدي نتفكر التمر الشريحة اللوز خظر
هادشي اللي تفكرت دابا تابرقوق معسل او مشماش معسل او سفرجل حتا هو و اللاءحة طويييييييييييييييييلة وخا طولت عليكم غير باش نستافدو

بان لي معجبكومش لموضوع 10 موشاهدات و مكين تا مشاركه

هاني ياللا جيت ومايبقاش فيك الحال ..موضوع غزال بحالك واكيد غادين نستافدو منو الله يجازيك كل خير

بسم الله ..المهم ياللا كنجمد اللحم والدجاج اما الحوت لا حينت ماكيكونش طري زعما ماشي بحال المغرب منو للبحر سعدااااااااتكوم ...وكنجمد الكفتة والبيتزا والخبز وبصفة عامة العجائن والكيك كنجمدو ...والقزبور ومعدنوس وكرافس وحمص للحريرة وسكسو ناشف بلا مرقة اما الخضرة ماكنجمدهاش حينت يالله كنشري قياد اللي نتعمل وصافي ..والى بغيتها مجمدة كنشريها واجدة بحال جلبانة ولوبيا وفريت وشفلور ...صافي دبا منين نتفكر شي حاجة نرجع عندك الزين ومايبقاش فيك الحال ومنين نسالي غادي نحط واحد موضوع دايرا فيه كيفاش كنجمد اللحم والدجاج وهادشي كامل اللي دكرت ليك

تبارك الله عليك اختي
فعلا موضوع مهم جدا
اضافة لداكشي لي قلتو كنجمد حتى العجين ديال بيتزا وديال المسمن وديال الخبز
حتى ورقة البسطيلة ملي كطشيت لي كنديرها فميكة ونخرج كاع الهواء لي فيها ونسدها مكيوقع ليها والو
ان شاء الله الى تفكرت شي حاجة نفيد بيها
وشكرا على الموضوع

اه هدشي كولو لي قلتو كنجمدو إلا ملوخيه عمري جربتها و لعجين واش كتقصدي بلا طياب ا ختي تطوانيه

أنا كنجمد الجلبانة الفول الفريز الحامض الحمص مرطب اللحم الحوت الدجاج الكفتة بسيطلات صغار طحال شوصون بيتزات صغار خاصة في الشهر الكريم كيعجني نوجد بكري ونخلي كلشي في الكنونجيلاتو
ونسيت الربيع بكل أنواعه القزبور المعدنوس الكرافص

كوثر كتب:

اه هدشي كولو لي قلتو كنجمدو إلا ملوخيه عمري جربتها و لعجين واش كتقصدي بلا طياب ا ختي تطوانيه

نعم بلا طياب
تقدري توجدي كمية مهمة من ديال بيتزا وتفرقيه على ميكات
وقتما بغتيه هاهو واجد

باش متعجنيش كل نهار
انا قبل الفطور كنجبد واحد وكنخليه حتى ترطاب كنزيد نقرصها شوية ونغطيها تخمر ونطيبها عادي
غير هو العجين لي فيه الخميرة الى حطيه في المجمد خص تحطي عليه شي حاجة باش تمنع اخمر
باش اخمر الى خرجتيه

حتى الى شاط ليك من شي صابلي وكانت ضروف بحا جاو عندك ضياف ومقدتي تساليه
دريه في المجمد حتى تسالي مايوقع ليه والو